Irakasbil
Argitalpenak
Hizkuntza-eskakizunak funtzio eta atazen arabera: Uliazpi_Monografiak 5
Argitaratua: ostirala, 2021(e)ko irailaren 17(e)an, 12:16(e)tan
- Atala:
- Egilea:
- Dokumentu-mota:
- Jakintza -arloak:
- Saila e-Hizpide / Hizpide / Zutabe:
- Atala:
- Egilea:
- Dokumentu-mota:
- Jakintza -arloak:
- Saila e-Hizpide / Hizpide / Zutabe:
- Bisitak: 2370
- Iruzkinak: 0
- Gogokoak: 1
Lehengoan iragarritakoari jarraikiz, e-Hizpide aldizkarian ere monografien ildoari ekitea erabaki da. Hizkuntza-eskakizunak funtzio eta atazen arabera: Uliazpi ikerketa-lana da lehendabizikoa.
Hala, Uxue Zalbidea Olabarrik helduen euskalduntzearen alorreko metodologiagintzan ikertzaileak gaitzeko bekaldian 2018 eta-2019an HABEn egindako ikerketaren emaitza duzu Monografiak 5 honetan, aldez aurretik e-HIZPIDE aldizkariaren 94. zenbakian argitaratutako artikulua osatu eta ikuspegi osoagoa emateko asmoz.
https://doi.org/10.54512/ZUJR1756
Oharra: erantsita dagoen pdf fitxategiandokumentuan nabigatzeko aukera dago.
Erakutsi iruzkinak
Gaiarekin lotutako beste eduki interesgarri batzuk
Hizkuntza-eskakizunen egiaztatzegintza aztergai
Euskal Autonomia Erkidegoko herri-administrazioko hizkuntza-eskakizunen sistemaren desoreka kezka-iturri bilakatu da azken bolada honetan. Ikusi da EAEko herri-administrazioetan euskararen erabilera normalizatzeko prozesua arautzen duen 86/1997 Dekretuak ezartzen duena ez dela beti kontuan hartzen; izan ere, zenbait kasutan hizkuntza-eskakizunak kidegoaren arabera ezartzen dira lanpostuen funtzioei erreparatu gabe. Abian jarri den ikerketa baten berri emango da artikulu honetan. Gipuzkoako Foru Aldundiko Uliazpi erakundearen azterketan oinarrituta, honako hau landuko da: administrazioko langileen behar komunikatiboen araberako hizkuntza-eskakizunen ezarpena eta trebetasunkako egiaztapenari ateak ireki beharko litzaizkiokeen
e-Hizpide: monografiak
Hogei urte igaro dira HABEk HIZPIDE aldizkariaren azken monografikoa argitara eman zuenetik. Lau zenbaki plazaratu ziren 1991-2001 bitartean, aldizkariaren ohiko zenbakietako edukiak osatuz. Orain, eta 2016an aldizkariak mundu digitalera egindako jauziarekin bat eginez, berriz ere monografien ildo hari ekitea erabaki da, xede argi batekin: e-HIZPIDEren eremuan artikulu baten izaeratik harago dauden ekarpenak zabaltzea, aberasgarria izango delakoan euskalduntzearen esparrurako eta, oro har, hizkuntzen ikas-irakaskuntzarenerako. Horrela, bada, Irakasbil atari honetan jasoko dira "Monografiak eta Ikerketak atalean", bai garai hartako zenbaki monografikoak, bai Hizpiden gai mononografiko gisa argitaratu zirenak, bai hemendik aurrera argitaratuko direnak.