UEU: 2021eko lehen seihileko eskaintza

2021eko lehen seihileko eskaintza ari da prestatzen UEU. Aurrerapena badago eta antolatutako direnen artean badago bereziki azpimarratzekorik.

2021erako Cervantes institutuaren irakasleentzako prestakuntza-eskaintza

Ohi duenari jarraikiz, 2021. urtean antolatuko duen irakasleentzako prestakuntza-eskaintzaren berri eman du Cervantes institutuak. Berez gaztelania-irakasleei begirakoak izan arren, badaude edozein hizkuntzatako irakasleentzat interesgarriak izan daitezkeen jarduerak. Gainera, denak ez dira aurrez aurrekoak.

Nati Abasolo zendu da

Aretxabaletan jaioa, Magisteritza ikasi zuen Eskoriatzan, Euskal Filologia adarrean. Arrasateko Udal Euskaltegian aritu zen 1981etik; hainbat urtetan bertako zuzendari izan zen. 1995etik HABEn aritu zen lanean jubilatu arte, Arabako ordezkaritzan hain zuzen. Besteak beste, Prestakuntza ataleko teknikari izan zen. Goian bego.

IATEFL TEASIGen doako web-mintegia irakasleentzat

IATEFL TEASIGek hil honen 27rako antolatu duen web-mintegi baten berri eman du: ‘Developing core CEFR competencies with language coaching tools’ du izenburu, eta Uliana Zubovak aurkeztuko du.

"ALTE Jokabide egokien printzipioak" argitaratu da

2020an eman du argitara ALTE erakundeak "Principles of Good Practice" dokumentuaren hirugarren edizioa. Erakunde horren kide da HABE Eusko Jaurlaritzaren izenean. Hala, eta euskara ikasten ari diren ikasle helduen ebaluazio zein egiaztatzegintzan diharduten irakasle eta aztertzaileentzat interesgarri bezain erabilgarri izango delakoan, testu hori euskaratu eta argitaratzea erabaki da. Bi modutara izango du eskura interesaturik dagoen orok.

Fontes Linguae Vasconum, mende erdiko ibilbidea euskal ikerketan

Berriki "Fontes Linguae Vasconum 50 urte, ekarpen berriak euskararen ikerketari" liburua argitaratu da, eta dagoeneko bada ale bat HABE liburutegian eskuragai.

Moodle bertsioaren eguneraketa

IKASTEN plataformaren zerbitzua eten egingo da abenduaren 11n, goizeko 8etatik eta 4 ordu inguruz. Arrazoia: Moodle bertsioaren eguneratzea.

“Euskara Eskuz Esku (EEE)” proiektua sortu du Euskaltzaindiak

Euskaltzaindiak berriki sortu du Euskara Eskuz Esku (EEE) proiektu berria, Ipar Euskal Herrian aditu ez diren zenbait hiztunen zalantza euskara batuaren erabilera egokiari buruz argitzeko eta zailtasunak bideratzeko. Webgunearen helburu nagusia arauak aurkeztea da eta Ipar Euskal Herriko berezitasunak azpimarratzea, bereziki euskara batuan onartutako Iparraldeko formak lehenetsiz.