Ikasteko erabil daitekeen material ugari dugu Interneten; ondo aukeratzea izaten da kontua. Hala, Moodle-i buruzko bideo laburrak edo bideotutorialak ere badaude interesaturik dagoen edonoren eskura, YouTuben besteak beste.

Moodle gaiaz, bestalde, eta iragarri genuen bezala, azaroaren 17an eta 18an izango da MoodleMoot Spain Online 2020 topaketa. Bertan izango da hizlari, besteak beste, Laura Vázquez Tavares hizkuntz irakaslea; "Truquitos y consejos vendo que para mí yo tengo" da egingo duen ekarpenaren izenburua; online esparruetako eskolak interesarriago egiteko ideiak, trikimailuak eta aholkuak izango ditu hizpide. 

Arestian esandakoari jarraikiz, baditu Laurak YouTuben Moodle-i buruzko bideoak, esate baterako, Aprende a usar Moodle  erreprodukzio-zerrenda. Hortaz aparte, eta gai beraren inguruan, zuzeneko saio bat antolatu du You Tuben bertan datorren asteazkean, azaroaren 4an alegia. Gaztelaniaz izango da. Badago galderak bidaltzea hala nahi izanez gero.

Abro hilo: Directo de dudas y preguntas sobre Moodle
⌚️¿Cuándo? Miércoles 4 de noviembre a las 18h. (en pricipio 1h)
📢¿Dónde? en el canal de Youtube #lauravtavares. Creo que si te suscribes a él te llega la notificación del directo 😅

— Laura Vázquez Tavares (@lauravtavares) October 29, 2020

Hortaz aparte, euskaraz ere badago zerbait. Adibidez, egelaAEK izeneko erabiltzaileak badu Moodle online tutoreentzat zerrenda horrelako bideo laburrekin. IKT Tolosaldea LHk ere bai, Moodle ikastetxeko gela, eraikita duten ereduan ardaztua. Zaharragoak dira Mondragon Formacion Online esparruan Moodle traol-hitza duten formazio-pilulak.

Eta, beti bezala, ez ahaztu Irakasbil esparru honetan badagoela Moodle-i buruzko artikulurik eta bestelako materialik. Zuzenean Moodle trikimailuak eremura jo daiteke edo bilatzailea baliatu.