MoodleMoot Euskadi 2020

Aurtengo MoodleMoot Euskadi 2020 jardunaldia ekainaren 5ean izango da Bilbon, Bizkaia Aretoan. Euskal Herriko Unibertsitatea da antolatzailea.

Tresna berriak eta berrituak sarean

Egunotan euskararen inguruko tresna berriak eta berrituak ikusi ditugu Sarean. Txioen bitartez horien berri ematen badugu ere, bilduma txiki bat egiteari egoki iritzi diogu.

Hizkuntza-teknologiak euskararen irakaskuntzan

Teknologiaren garapena eta berrikuntza ugaria da, aplikazioak eta baliabide digitalak sakabanatuta daude eta sarri askotan daudenik ere ez da jakiten. Beste batzuetan teknologiak ahalbideratzen du eskolan egiten duguna beste modu batera egitea, baina zaila izaten da egunerokoari buelta ematea eta jardunbide teknopedagogiko egokietan sartzea. Ez da nahikoa euskarri digitalean betiko praktika errepikakorrak egiten jarraitzea. Baliabide digitalek hizkuntza-erabilera eta ikas-prozesua indartu behar dute.

Euskararen ingurune digitaletik euskara-ikaslearen ingurune digitalera

Bi premiak bultzatuta (batetik, ikasleen ikastorduetarako Zornotzako Barnetegian dauden ikasteko geletan informazio sistematikoa ematekoa, ikasleek jakin dezaten euskara ikasteko ingurune digitalean zer duten eskura; bestetik, Eskola Futura proiektuko ikasleek ingurune digitalak euskararen irakaskuntzarako zer eskaintzen duen jakitekoa) ingurune digitalari buruzko informazioa modu sistematikoan bildu dute egileek eta fitxategi batean eskaini sarrera honetan.

Ordenagailu bidezko hizkuntza-egiaztatzegintza

Gizarteko beste esparru batzuetan bezala, hizkuntzen ikas-irakas prozesuetan ere goranzko joera du informazioaren eta komunikazioaren teknologien (IKTen) erabilerak, eta fenomeno horrek ateak ireki dizkio orain gutxi arte soilik paperean gauzatzen zen hizkuntza-egiaztatzegintzari. Izan ere, hizkuntzen ezagutza ordenagailu bidez egiaztatzeko eskaintza nabarmen zabaldu da azken hamarkadan. Molde informatizatu horrek erakunde beste aldaera dauzka, eta sistema-aniztasun hori ulertzeko, garrantzitsua da hainbat aldagaitan oinarritutako azterketa egitea, helburu izanik proben ekoizpena errealitateko ekintza komunikatiboetako baldintzetara ekartzea, eta, oro har, hizkuntzen egiaztatzegintza-prozesuak erraztea.

Hitzaldia: "Implementación crítica de las tecnologías del aprendizaje en las actividades de aula: retos y posibilidades

Era guztietako gailu elektronikoen, online zerbitzuen eta mugikorretarako app-en erabilera bigarren hizkuntzen ikaskuntza eta irakaskuntzan lagungarri bilakatu direla ez dago zalantzan; areago oraindik, horien bitartez erabat bidera daitezke aipatutako prozesu horiek. Hala ere, teknologiaren aldaketa azkarrari eta gizartearen esparru guztietan duen barneratzeari erreparatuta, inplementazioaren inguruko alderdi guztiak behin eta berriz birplanteatzea da beharrezkoa, hala nola 1) ikas-irakasteko prozesuan zergatik erabiltzen diren ikaskuntzarako eta jakintzarako teknologiak (IJT) (2) zein mailataraino ari diren lortzen IJTen erabileraren ondorengo ustezko emaitzak eta (3) aurrerapen teknopedagogiko berrien aurrean zein diren aukerak eta erronkak

Twitter: irakasleen garapen profesionala eta praktika-komunitateak

Artikulu honetan aipatzen diren hizkuntza-irakasleek Twitter erabiltzen dute garapen profesional jarraiturako, #MFLtwitterati traol-hitzaren bidez. Oinarritzat hartuz inkesta bat (n = 116) eta elkarrizketak (n = 11), irakasle multzo horrek traol-hitz hori erabili eta Twitterrek beren lanean nola eragiten dien ebaluatu da. Emaitzen arabera, gehienek probatzen dituzte sare horretako iradokizunak eta ideiak, eta horrek eragin positiboa du beren irakasle-lanean. Azkenik, traol-hitz horren erabiltzaileak praktika-komunitate bat ote diren jorratzen da.

"Aprender a aprender en la era digital" liburua (Camacho, A. eta Román-Mendoza, E.)

Esperanza Román-Mendozak idatzi duen "Aprender a aprender en la era digital. Tecnopedagogía crítica para la enseñanza del español LE/L2" liburuaren errezentsioa idatzi du Abel Camachok.