F. Javier Villatorok eta Francisco Herrerak hitzaldi bat eman zuten gaztelaniaz 2013an HABEk EHUrekin batera antolatutako Ikastaroen barruan, "Gestión y creación de blogs" izenburupean. El profesor de segundas lenguas/ VII. Competencias digitales para la enseñanza y el aprendizaje - (II) Aprendizaje en la red y redes de aprendizaje ikastaroa eratu zuten EHUk eta HABEk Donostiako XXXIII. Udako Ikastaroen baitan, 2014ko uztailaren 16tik 18ra bitartean.

Zalantzarik gabe, bloga 2.0 iraultzaren ikurra da eta bere aplikazioak oso ugariak dira, Suitzako laban batekin alderatzera iritsi izan baitira. Inoiz ezagutu gabeko informazio eta iritzi multzoa dugu eskura blogari esker gaur egun.

Bideo honetan, hitzaldi osoa duzue entzungai.

Felipe Zayasek hitzaldi bat eman zuen gaztelaniaz 2013an HABEk antolatutako Ikastaroen barruan, "El blog como recurso didáctico y como objeto de aprendizaje" izenburupean.

Bloga oinarrizko lanabes gisa errotu da hizkuntza-eskoletan. Baina bitarteko bat baino gehiago da. Ezinbesteko tresna bilakatu da, idazketa-modu berriak ikasteko. Hizkuntzaren irakaskuntzan, helburu garrantzitsua da Interneten behar bezala idaztea.

Bideo honetan, hitzaldi osoa duzue entzungai.

Javier Villatorok hitzaldi bat eman zuen gaztelaniaz 2012an HABEk antolatutako Ikastaroen barruan, "El blogfolio como centro del aprendizaje autónomo" izenburupean.

Izenak berak adierazten duen bezala, blogfolioan bi tresna (bloga eta portfolioa) biltzen dira, irakaskuntza-, ikaskuntza- eta (auto)ebaluazio prozesuan ikaslearen autonomia eta askatasuna bultzatzen dutenak. Bestalde, irakasleek beren ikastaroetako portfolio gisa erabil ditzakete blogak, baita portfolio profesional gisa ere. Formatu elektronikoak inprimaturiko portfolioetan lortzen zaila den jarraitutasunaren aukera eskaintzen du.

Bideo honetan, hitzaldi osoa duzue entzungai.