Ikasten ari den hizkuntza berriaren forma mintzatua ulertzea da ikasleak daukan zeregin zailenetariko bat. Hala ere, geure klaseetan trebetasunik ahaztuena edo gutxien landu izan duguna horixe izan da. Zergatik? Batez ere, entzumen prozesua ondo ezagutzen ez dugulako eta, jakina, honek eragin handia du entzumena lantzeko ariketetan ikasleei zer eta nola irakatsi behar diegun erabakitzeko orduan.

Irakasleak, bere argazki-bildumari ale berria eranstean, zera galdetu behar dio bere buruari: «lkasleei argazki hau erakusten diedanean erantzun bizkorra jasoko al dut haiengandik?»

Hizkuntzen irakaskuntzan elementu grafikoa errebindikatzeko joera aspaldikoa da. Gaur egun joera hori indarberritu egin da eta hizkuntz irakaskuntzarako grafiko ugari argitaratu da.

Orain dozena bat urte oso jende gutxik zekien bideoak eskaintzen zuen aukera zabal eta eraberritua zertan zetzan. Telesaioak egiteko erabiltzen zen oinarrizko zerbait zela jakitetik kanpo, ezer gutxi esaten zigun pantailaren honuntzaldera aritzen ginen eta garen guztioi. Azken urte hauetan, alabaina, alde guztietan ikus daiteke bideoaren eragin indartsua eta .edozein lanbide edo zereginetan kontuan hartzekoa ez ezik, utziezinezkoa ere gertatzen zaigu.

Nahiz komunikabideetan, artean, industrian, nahiz kulturaren edozein ataletan, nahi eta nahitaezko tresna bihurtu zaigu, eta dagoeneko ugariak dira eskaini dizkigun abantailak. Hala eta guztiz, oraindik ere hein handi batean esplotatzeke aurkitzen delarik, ekar ditzakeen ondorio eta emaitza asko ikuskizun daude, ahalegin luzeago eta trebatuago baten zain.

Irakurle guztiek dakitenez, ikus-entzunezkoaren munduak inguraturik gaude. Gero eta zailago egiten zaigu liburu eta aldizkariak irakurtzea, mezuak beste tresna batzuen bidez jasotzeko ohitura sortzen ari baita gure artean. Gure burua zentzu askoren bidez aritzen dela kontuan hartzeak eta mezu-igorketaren alorrean gertatzen ari den aldaketa sakonak ikus-entzunezkoen aldaketa ekarri dute.

Giza ezagueraren garapena eta hezkuntza prozesuak estu-estu uztartuta egon dira historian zehar. Izan ere, prozesu horien funtsezko ezaugarria jakintza gizonari hurbiltzearena da, lortu eta garatu ondoren, besterengandiko eta besterenganako harremanak eta ezaupideak hobetu eta indartzeko.

Gizakiak, jakintza eraikitzeko egiten duen bide luzean, hitza, ahozkoa edo idatzia, objektiboki eta formalki mamitutako hitza izan du garraiobide; hitzak adierazten baitzuen testuinguru zehatz batean esan nahi zena, betiere adiera egokia bilatuz.

Expolangues-1984

Berrikuntzak HABEKO MIK eta HABEn

Alfabetatze teknikozko ikastaroa

Euskalduntze eta alfabetatze ikastaroak Hondarribian

Alfabetatze ikastaroa

Soziolinguistika egunak

Lehen euskarazko argazkinobela, Legazpin.

HABEren liburu berria: Helduen euskalduntzea ebaluatzen

1983-84: EUSKALDUNTZE-ALFABETATZEKO DATUAK

Gaur egun hizkuntza bizien alorrean helduez. arduratzean, eragin galanta izan dute Europako Kontseiluaren lanek, horien bidez nabarmendu baitira ikaskuntzak helduengan dituen eskakizun bereziak. Ohizko hurbilbideek, heziketak sortutako beharrei egoki erantzuteko kemenik ez zutenez gero, kontzeptuok eta antzekoak zabaldu dira: hizkuntz beharrak, atalase maila, unitate pilagarriak, hizkera bereziak, hizkera funtzionalaren ikastaroak, hizkuntzak .helduei irakasteak zekartzan arazoen arabera,