IKERLAN Teknologi Ikertegia 1974an sortu zuen egun MCC-Arrasateko Kooperatiba Korporaziokoa den enpresa-talde batek, laguntza teknologiko egokia izateko. Gaur egun, IKERLAN ikertegi aditua da Mekatronikan2, eta hiru sail operatibotan banaturik dago: Elektronika eta Sistemak, Diseinu eta Produkzio Teknologiak eta Energia.

Horrezaz gain, enpresa guztietan bezala, IKERLANeko zerbitzu-atalak daude: marketing-a, giza baliabideak, idazkaritza, etab. Azkenik, enpresa honen beste ezaugarri nabarmen bat azaltzeko, adierazi IKERLANek nazioarteko proiekzioa lortu duela, Europako Batasunaren I+G programetan lan egiten baitu.

Itzulpengintza komunikatiboa ez delako usteak ez du inolako euskarririk itzulpenaren eta komunikazioaren esanahiei analisia egiten bazaie. Iritzi hori komunikazioari eta ezagutzari buruzko teorien argitan faltsua dela agertu nahi dugu lan honetan eta, gainera, frogatu itzulpena komunikazioko jardun izan daitekeela hizkuntz klasean.

Iazko azaroan eta abenduan, Metakurrikulua gaia aurkeztu genizuen, zortzi taldetan eta beste horrenbeste mintegi-saiotan, euskaltegietako ehun eta hogei irakasleri. Agindu nizuen, bide batez, HIZPIDEn ere azalduko genuela gaia. Hona hemen, agindua bete. Balioko ahal du, batetik,mintegietan taldez talde landutakoa gogoratu eta landuagotzeko eta, bestetik, izan ez zirenei ere kurrikulu berriaren bidea egiten laguntzeko!

Hirurogeigarren urteez geroztik, gutxi gorabehera, benetako aldaketak gertatu dira hizkuntzen irakaskuntzan, bai oinarri eta printzipioetan, baita ikasgelako aplikazioan ere. Ohiko irakaskuntza irakaslearen inguruan eratutakoak atzera egin du, ikasleari eta honen ezaugarriei begira dagoen ikuspegi baten mesedetan. Psikologia kognitibo-humanistak eragin handia du ikuspegi horretan.

Gizabanakoa izaki adimendun gisa hartzen da, bere behar eta interesen zioz bere ikaskuntzan eragin zuzena eta estilo propioa dituen izaki gisa. Ildo horretatik, ikasleari bere ikas-prozesuan begiratu nahi dioten ikerketa asko egin dira (Rubin, 1975; Naiman, Fröhlich, Stern eta Todesco, 1978; O’Malley eta Chamot, 1990; Oxford, 1990; Wenden eta Rubin, 1987). Analisi-alor berri bat sortu da hortik: ikas-estrategiena; analisi horrek bide eman baitu ontzat hartzen diren ikasleen eta txartzat hartzen direnen artean alde garrantzi handikoak atzemateko, eta aldi berean ikasle autonomoaren ezaugarriak deskribatzeko.

Artikulu honetan, 12. urratseko talde bateko ikasleekin egindako esperientzia bat azaltzen dugu. EGA azterketa baino pare bat hilabete lehenago egindako grabaketak baino ez dira, gero ikasleek beraiek egindakoa edo beren diskurtsoa entzun dezaten, eta egiten dituzten akatsei errepara diezaieten. Hasierako helburua akatsak zuzentzea besterik ez zen, ikasleak autozuzenketaren bidean jartzea, konszienteago bihurtzea; geroago, baina, ikasleek ateratzen zituzten ondorioak guk uste baino ugariagoak izaten ziren.

Irakasleok goi-urratseko talde bat dugunean, idazmena lantzea izaten da buruhausterik handienetakoa. Gorriak ikusten ditugu, hobetu nahian ikaslea laguntza eske datorkigunean. Baina bada kezka orokor bat ikasleen artean, hasierarena, hain zuzen ere. Artikulu honek ikasleen, “zelan hasi?”, eta antzeko galderei erantzuten laguntzea du helburu

Gaur egun, inoiz ez bezala, etengabe ari zaie eskatzen heziketa-sistemei euren zerbitzuak gizartearen beharretara egokitzeko ahalmena. Baita helduei euskara irakasten dieten euskaltegiei ere, noski. Eta testuinguru harretan kokatu behar da, hain zuzen, helduen euskalduntze-alfabetatzean HABEk abian jarri duen berrikuntza kurrikularra, "aurreko esperientziaren gainean eraiki beharreko egitasmo gisa", betiere berau osatu eta aberasteko; eta ez, inondik inora, iraganean eginikoa arbuiatzeka. Tentuz eta patxadaz urratu beharreko bidea da ezbairik gabe. Iritziak eta eskarmentuak oro lagungarri direlakoan mahai inguru bat antolatu zuen HABEk Udako Ikastaroen baitan gaiaren inguruka hainbat galderaren haritik eztabaida egiteka. Hona hemen parte hartzaileak: Jakin Azkue (HABE); Joanba Bergara (HABE) moderatzailea; Juxto Egaña (HABE); Joxin Etxezarreta (Deustuko Unibertsitatea Euskal Irakaslegoa); Joseba Ezeiza (BERTAN); Asis lriando (/KA); Jokin Nazabal (Gipuzkoako Udal-euskaltegiak); Alex Vadillo (AEK).

Hari ugariko mataza da H 2 ikasteko curriculuma ezbairik gabe. Hari horiek zein diren eta bakoitzaren zer-nolakoak zertan diren ere xehe-xehe aztertuko ditu artikulugileak segidan.