Susana Aldaok, Coruñako Hizkuntza Eskolako irakasleak, bideo-kanal interesgarria du YouTuben. Teknologiarekin eta hizkuntzen ikas-irakaskuntzarekin lotutako bideo laburrak sortu eta partekatzen ditu bertan. Landutako gaien artean Moodle eta H5P daude.

New Yorkeko Columbia Unibertsitateko irakasle den Reyes Llopis García izan da LdeLengua podcastaren 164. atalerako Francisco Herrerak elkarrizketatu duen aditua. Hizkuntzalaritza kognitibo aplikatua izan da landutako gaia. Azaldu dutenez, Llopis Garcíaren monografia bat argitaratu zen iaz gaiaz.

Moodle plataforman erraztasunez aritzeko ikastaroa da hau. Edozein ikasteredutarako baliagarria. Plataformari beldurra kendu, ezagun bihurtu, erabilpen-esperientzia hobetu eta eskaintzen dituen tresna batzuen aurkezpen-lanketa egingo da: elkarreragina sustatzeko (foroak, glosategiak, wikiak), komunikazioa errazteko (mezularia), edukien lanketa eta aurkezpenerako (liburua, galdetegiak, zereginak, H5P) eta ebaluaziorako eta ikaslearen monitorizaziorako (kalifikazio-liburua, jarduera osaketa). Baita motibazioa bultzatzeko ere (dominak, txostenak). Gainera, Moodletik kanpoko tresnak txertatzeko aukerak aztertuko ditugu. Azkenik, audio eta bideo formatuen oinarrizko edizioa landuko dugu.

LdeLengua saio honetan, Francisco Herrerak elkarrizketa bat izan du Laura Acosta Ortegarekin, Northeastern University London-en ikertzaile eta irakaslearekin, ELEko (Español como Lengua Extranjera) ikasgelan ahozko elkarreragina irakasteari eta aztertzeari buruz.

Padlet online dagoen tresna edo horma-irudi bat da, eta deskargatu beharrik gabe ikasleek zernahi idatz dezakete horma horretan: beren lanak, zereginak eta, oro har, artxiboak igo. Tresna hau ideiak, argazkiak, bideoak, iritziak edota baliabideak besteekin partekatzeko erabili daiteke. Hortaz, oso tresna indartsua da elkarlanean aritzeko. Sarrera honetan, padlet aplikazioari zein erabilera eman diezaiokegun labur azaltzen da.

"¿Cómo planificar y dinamizar el aula con diferentes niveles? / Nola planifikatu eta dinamizatu eskolak ikasgelan maila bat baino gehiago ditugunean?" izenburupean bi ikastaro eman ditu Lola Torres Ríosek irailean.

Bideo honetan, ikastaroan landutakoaz aritu zaigu, guztion jakingarri.

"Sortuko dugu Moodle-n ikastaro bat? (Oinarrizko maila)" ikastaroa eman du Silvia Solak 2024ko uztailaren 15etik 18ra.

Bideo honetan, ikastaroan landutakoaz aritu zaigu, guztion jakingarri.

Irakurmenaren didaktikari buruzko bideo-sorta bat egin du Daniel Cassanyk eta YouTuben partekatu: "Enseñar a leer y a comprender". Foroan eman dugu honen berri dagoeneko baina sorta bukatu duenez, aipamen osoagoa egitera gatozkizue.