"Innovación y creatividad en el aula de español. Nuevas formas de entender la enseñanza de una lengua" liburuaz

Argitaratua: jeudi 22 juin 2023, 10:24
"Innovación y creatividad en el aula de español" liburuaren azala

Liburu honetan, gaztelania irakasteko berrikuntza- eta sormen-arloko proposamenak jasotzen dira, eta hizkuntzaren irakaskuntza ulertzeko modu berriak lantzea proposatzen da.

Liburuak lau atal ditu (alderdi digitala, ludikoa, narratiboa eta literarioa, eta bisuala) eta atal bakoitzean aipaturiko ikuspegi hori lantzen dute gaian adituak diren idazleek. Francisco Herrera eta Neus Sans dira liburuaren editoreak. Editoreen iritziz, ezinbestekoa da ikuspegi horiek benetako kontzientzia kritikoz erabiltzea, ikasgelarako erabilgarriak diren proposamenak egiteko. Bestela, berrikuntza eta sormena garrantzirik gabeko kontzeptutzat hartzeko arriskua baitago.

1. Alderdi digitala:

Olivia Espejel, Maria del Pilar Concheiro, Marta González-Lloret, Ana Ozkoz eta Juan de Dios López Rael idazleek teknologiak, sare sozialek, erreminta digitalek eta ikus-entzunezko produktuek hizkuntzen ikas-irakas prozesuetan duten garrantzia eta gaur egungo egoera, joerak eta arrakasta izan duten kasuak aurkezten dituzte, lau artikulutan. Aipagarriak dira kasu praktikoen atalean nazioarteko erakundeekin elkarlanean abian jarritako esperientziak.

2. Alderdi ludikoa:

Joan-Tomás Pujolá, Christine Appel, Jaume Batlle, Olivia Espejel eta Vicente González idazleek hizkuntzen didaktikan ikuspegi ludikoa, gamifikazioa, planifikazioa eta jolas serioak nola txertatu azaltzen dute, definizio, planteamendu, irizpide eta adibideen bidez, bost kapitulutan. Azpimarragarriak dira bideojoko serioen atalean aipatzen dituzten adibideak: Rockalingua, ImmerseMe

3. Alderdi narratiboa eta literarioa:

Susana Ortiz idazlearen hitzetan Intagram, Twitter, Facebook, blogak eta podcastak mikrofikzioak eta mikrokontaketak hazteko oso lur aberatsak dira eta hizkuntzen irakaskuntzan aplikatzeko egokiak. Bide beretik, Carlos Jiménez Climent idazleak historian zehar antzerkiak eta dramatizazioak hizkuntzen irakaskuntzan izan duten garrantzia azaltzen du eta antzerkiaren bidez hizkuntza modu naturalean ikasteko Tillit proiektuari buruzko argibideak eskaintzen dizkigu.

4. Alderdi bisuala:

Xabier San Isidro, Natalia Contreras, Elena López eta Isabel Leal idazleek Design Thinking edo diseinu-pentsamendua, pentsamendu bisuala, zinemagintza, ikus-entzunezkoak, artea eta marrazketa hizkuntzen irakaskuntzan erabiltzeko adibideak biltzen dituzte, lau kapitulutan. Isabel Lealen artikulu hau, Ikasgelan marraztea, HIZPIDE aldizkariaren 101. zenbakian argitaratu zen. 

HABE Liburutegian



Erreferentzia bibliografikoa:

Sans, N. eta Herrera, F.  (Ed.) (2022). Innovación y creatividad en el aula de español. Nuevas formas de entender la enseñanza de la lengua. Cuadernos de didáctica. Difusión.


Afficher les commentaires
  • 2019anIñaki Murua - lun. 28 août 2023, 14:08
    Irakasbilen bilatzailean Joko edo jolas hitzak jartzekotan emaitza ugari jasoko duzu; hizkuntzen ikas-irakaskuntzan sarri agertzen dira.
    Difusion argitaletxearen Materia prima blogerako gaiari buruzko sarrera bat idatzi du Yolanda López Regojok: "El uso de juegos en el aula de ELE". Jokoak erabiltzeko arrazoiak aipatu ditu; hautatzeko irizpideak, adibideak eta gomendioak ere bai. Sakontzeko bibliografian, badaude liburu honetako zenbait atal.