Didakteka
Azterketen Diseinu Unibertsala (UTD): Hizkuntza-ebaluazio bidezko eta inklusiboago baten bila
- Atala:
- Egilea:
- Dokumentu-mota:
- Areas of knowledge:
- Atala:
- Egilea:
- Dokumentu-mota:
- Areas of knowledge:
- Bisitak: 209
- Iruzkinak: 0
- Gogokoak: 0
Zer da Azterketen Diseinu Unibertsala (UTD)?
UTDren ikuspegiak (Universal Test Design) , Taylor eta Banerjeeren ikerketetan oinarrituta, hizkuntza-proben eskuragarritasuna, fidagarritasuna eta baliagarritasuna sustatzen ditu. Bere helburua da hautagai guztien beharrak kontuan hartzea, proba guztientzako bidezkoa eta oztoporik gabekoa izan dadin.
UTDren Printzipio Nagusiak
1. Berdintasuna eta inklusioa. Hautagaien kultur, hizkuntza, gaitasun fisiko edo kognitiboetako desberdintasunak kontuan hartu, proba guztientzako bidezkoa izan dadin.
2. Malgutasuna. Hautagaiek beren gaitasunak erakusteko modu desberdinak izan ditzakete, betiere ebaluatu nahi den gaitasunaren funtsa aldatzeke.
3. Sinpletasuna eta argitasuna. Argibide eta zeregin ulerterrazak, hautagaientzat eragozpenak minimizatuz.
4. Eskuragarritasuna. Teknologia eta egokitzapen egokiak diseinuaren hasieratik txertatzea, proba eskuragarriagoak egiteko.
UTDren bidez, azterketak hasieratik diseinatzen dira, inklusiboak eta eskuragarriak izan daitezen hautagai guztientzat. Honek oinarrizko diseinuan bertan sartzen ditu aniztasunaren eta eskuragarritasunaren printzipioak.
Egokitzapenak, berriz, azterketa bakoitzean hautagai baten behar bereziei erantzuteko egiten diren aldaketak dira. Adibidez, entzumen-laguntzak edo denbora gehigarria eskaintzea. UTD aplikatzeak egokitzapen-beharrak murrizten laguntzen du, baina hautagai batzuentzat beti izango dira beharrezkoak.
Praktikara Egokitzea: HABEren Esperientzia
HABEren hizkuntza-mailen egiaztapenean, UTD printzipioen aplikazio praktikoa gero eta garrantzitsuagoa da. Hona hemen zenbait adibide eta ohiko praktika.
- Kultur eta hizkuntza-alborapenak saihestea. Proben testuak hautagaien kultura-aniztasunarekin bat egiten dutela ziurtatzea.
- Egokitzapenak bermatzea. Adibidez, entzumen-laguntzak erabiltzea, ikusmen-anplifikazioak eskaintzea edo azterketa-espazioa egokitzea.
UTD printzipioen aplikazioak egokitzapenen administrazio-prozedurak sinplifikatzen ditu. HABEk honako urrats hauek jarraitzen ditu:
- Eskaera. Hautagaiak beharrezko dokumentazioa aurkezten du.
- Balorazioa. HABEko adituek eskaerak aztertzen dituzte.
- Jakinarazpena. Onartutako egokitzapenak azterketa baino lehen komunikatzen dira.
Egokitzapen ohikoenak honakoak dira:
- Denbora gehigarria.
- Entzumen-gailuak edo ikusmen-laguntzak.
- Proben egitura egokitzea (adibidez, ahozko probak eta idatziak moldatzea desgaitasuna duten pertsonentzat, dislexia dutenentzat, etab.).
- Azterketa-espazioaren irisgarritasuna bermatzea.
Onurak: Euskara-mailen Egiaztapen Justuagoa
UTDren aplikazioak aukera-berdintasuna sustatzen du, eta hizkuntzaren ebaluazio-prozesua bidezkoagoa eta fidagarriagoa bihurtzen du. Planteamendu honek azterketari guztiei baldintza justuetan beren gaitasunak erakusteko aukera ematen die.
Gainera, UTD ez da soilik inklusibitatea bermatzeko tresna bat; ebaluazio-prozesuen kalitate orokorra hobetzeko estrategia eraginkorra da.
Inklusibitateari eta aniztasunari arreta jartzen zaionean, ebaluazioek ez dute kalitatea galtzen; aitzitik, frogatu da prozesu horrek azterketen fidagarritasuna eta baliagarritasuna hobetzen dituela.
Gehiago jakiteko:
Lazarus, S. S., Johnstone, C. J., Liu, K. K., Thurlow, M. L., Hinkle, A. R. eta Burden, K. (2022, otsaila). An Updated State Guida to Universally Designed Assesments. (NCEO Report 431). Nacional Center on Educational Outcomes. https://files.eric.ed.gov/fulltext/ED620541.pdf
Beste eduki interesgarriak
