2011 urtarrila-apirila

GAI MONOGRAFIKOA

- "Glosategia Moodle plataforman: erabilera didaktikoa" (María José Lasheras)

BESTELAKO LANKIDETZAK

- "Sen onez Interneteko itsasoetan" (Iñaki Murua)

- "Ikaslea hizkuntzaren erabiltzaile gisa: ikasgelako praktikak hizkuntzen irakaskuntzan" (Ernesto Martin Peris)

- "Kalitatezko prozesuak eta kalitatezko azterketak" (Aintzane Ibarzabal)

Hizpide 76 alearen aurkezpena

Hizpide 75

Hzipide 75 alearen aurkezpena

Liburu hau Hizkuntza-irakaskuntzako ikastaroa liburu nagusiaren osagarria da. Bere baitan biltzen ditu hizkuntza-irakasleentzako den ikastaro batean trebatzaile batek atazak bideratzeko beharrezko jarraibideak. Horrenbestez, liburu nagusiko atazak bildu dira lan honetan, baina han ematen den aurretiazko informaziorik, bibliografiarik, oharrik eta soluziorik erantsi gabe.

Ernesto Martin Perisek 2010-2011 ikasturtearen irekiera-ekitaldian hizlari aritu zen Gasteizen, "El alumno como usuario de la lengua: las prácticas de aula en la enseñanza de lenguas" izenburupean.

Bideo honetan, hitzaldi osoa duzue entzungai.

Gauza jakina da testuek zuzenak ez ezik egokiak ere izan behar dutela baldin eta helburu komunikatiboa erabat lortuko bada. Testu bat sortu daiteke, gramatikari dagokionez, zuzena. Baina kontuan hartzen ez bada norentzat den, zein egoeratan jasoko den, non, noiz… ez da egokia izango. Eta komunikazioa akastuna izateko arriskuan egongo da. Zenbaitetan, zuzentasun soilari begiratu izan zaio. Baina, gramatikaren ekarpena estimatu arren, hizkuntzen irakaskuntzaren alorrean diharduten askoren kezka da nola bilbatu oihal bakarrean komunikazioaren hari guztiak eta gramatika bera, ikasleek hizkuntza ahalik eta erarik emankorrenean ikas dezaten. Gramatika komunikatiboa eta gramatika didaktikoa ditugu mintzagai. Ildo horretatik, artikulugilea proposamen didaktiko bat egitera dator iraganeko kontaketa lantzeko baliabidea eskainiz. Proposamen argia, zehatza eta baliagarria

Gero eta ezagunagoak, eta, erabiliagoak dira teknologia berriak hizkuntzen irakaskuntzaren alorrean. Bestalde, estu loturik ageri zaigu gaur egun autoikaskuntzaren kontzeptua teknologia horiei. Eta gero eta gehiago dira, halaber, sistema horren bidez ikasten ari diren ikasleak.

Beasaingo udal euskaltegian irakasle diharduen artikulugilearen iritzia da ez dela oraindik lortu autoikaskuntzan aurrez aurreko eskola-saioetarako metodologian lortu den garapen-maila. Bere proposamen nagusia da, merezi duela tokian tokiko ingurunea kontuan hartu eta BOGA euskarria alderdi komunikatibotik indartu eta osatu, sistema horretatik ari den ikaslea hizkuntza erabiltzaile osoa bihurtzeko bidean.