Ikasleek aisialdian Sareak dauden baliabideak erabil ditzakete hizkuntzak ikasteko; esparru informaleko praktikak izan arren, arlo arautuagoan eragina izan dezakete. Hala azaldu dute Shafirovak eta Cassanyk "Aprendiendo idiomas en línea en el tiempo libre" artikuluan. Halaber, Itzulpen Saila bilduman argitara emandako "Sustraietatik zerura" liburuan azaldutako hainbat gai lantzen dira aipatutako lan horretan.

Hitz-ordena aspaldiko kezka da euskararen erabiltzaile guztiontzat. Ondo jabeturik gaude oinordetzan jaso ditugun Azkue/Altuberen lege zaharrak oztopo handia direla testu komunikatiboak ekoizteko orduan. Erabilera zurrun horri aurre egin nahian, gaur egun, izugarri zabaldu da aditza aurreratzeko aholkua. Jarraibide nahikoa da hori esaldi argiak sortzeko? Non kokatu gainerako elementuak, zeren arabera antolatu? Zenbateraino da euskara ordena libreko hizkuntza.

"L de Lengua"-ren 117. podcastean, Adolfo Sánchez Cuadrado eta Inma Pedregosa izan dira gonbidatuak; landutako gaia, berriz, "La mediación interligüística y la traducción pedagógica en el aula de ELE". Bitartekotza interlinguistikoa eta intralinguistikoa zer den azaldu dute, eta lehendabizikoaren esparrukoa den itzulpen pedagogikoaz ere mintzatu dira.

Mari Jose Lasheras Rodriguez gure lankide izan zen HABEn, 2000. urtetik 2013ra arte. Bere omenez, "Teknologia berrien erabilera didaktikoa hizkuntzen irakaskuntzan" izeneko liburua kaleratu du Lasheras Rodriguez familiak, Hizpide aldizkarian argitara eman zituen artikuluen bilduma osatuz.

Helduen Euskalduntzearen Oinarrizko Curriculuma - C2 maila / Irakasleen gaikuntza: 2017/18

Konplexua da oso ahozko komunikagaitasuna garatzeko prozesua. Horregatik, irakaslearen eginkizun nagusietariko bat da ikasleari laguntzea arrakastaz komunikatzeko bidean. Ikasleak —hizkuntza-erabiltzaileak— helburua lortuko badu, egokia behar du izan mintzamenaren planteamendu didaktikoak. Hori du xede, hain zuzen, ikastaroak.

Helduen euskalduntzeko ikasturte berriari ongietorria emateko eta Nafarroako euskaltegietan matrikulazio-kanpaina sustatzeko xedez, ekitaldi akademikoa antolatu du Euskarabideak, Euskararen Nafar Institutuak. Irailaren 15ean izango da ekitaldia, ostiralarekin, eguerdiko 12:00etan, Nafarroako Administrazio Publikoaren Institutuko Pio Baroja aretoan (Nabarreria kalea, 39. zenbakia, Iruñea). Bertan, Ana Ollo Nafarroako Gobernuaren Herritarrekiko eta Erakundeekiko Harremanetako Kontseilari anderea izango da mahaiburu. “Hamaika aukera eskaintzen duen itsasoa” izeneko hitzaldia, berriz, Iñaki Muruak, HABEko Hizkuntzaren Didaktika Zerbitzuko teknikariak, eskainiko du.

Gabriel Diaz Maggliolik hitzaldi bat eman zuen gaztelaniaz 2016an HABEk EHUrekin batera antolatutako Ikastaroen barruan, "H415 - La gestión de las macrodestrezas lingüísticas en los enfoques contemporáneos" izenburupean.

El profesor de segundas lenguas/ IX: Competencia metodologica para la enseñanza y el aprendizaje - Analisis de las principales tendencias metodologicas, enfoques y métodos contemporáneos ikastaroa eratu zuten EHUk eta HABEk. Donostiako XXXV. Uda Ikastaroen baitan, 2016ko uztailaren 4tik 8ra bitartean.

Bideo honetan, hitzaldi osoa duzue entzungai.