Gabriel Diaz Maggliolik hitzaldi bat eman zuen gaztelaniaz 2016an HABEk EHUrekin batera antolatutako Ikastaroen barruan, "H416 - Los métodos y la gestión del aula" izenburupean. El profesor de segundas lenguas/ IX: Competencia metodologica para la enseñanza y el aprendizaje - Analisis de las principales tendencias metodologicas, enfoques y métodos contemporáneos ikastaroa eratu zuten EHUk eta HABEk. Donostiako XXXV. Uda Ikastaroen baitan, 2016ko uztailaren 4tik 8ra bitartean.

Bideo osoa entzungai eta ikusgai izateaz gain, bideoak euskaraz prestatutako honako idatzizko laburpen hau duzue, eta bertan, bideoko ideia nagusiak daude:

Competencia metodológica para la enseñanza y el aprendizaje ikastaroa. Miramar 2016.

Eremu konplexuak dira ikasgelak, eta horrexegatik, hain zuzen, beharturik aurkituko da irakaslea etenik gabe erabakiak hartzera, betiere, ikastaldeak osatzen duen testuingurura egokituak.

Didaktikaren alorrean, elkarrekintzan jarri dira fokusa eta indarrak azken urteotan, era horretara ikasprozesua sendotu eta azkartuko delakoan. Baina horretarako ezinbestekoa izango da ikasgelan sor daitezkeen behar guztiak kontuan izatea, izan fisikoak, psikologikoak zein adimen- edo afektibitate-mailakoak.

Gelaren kudeaketak hartzen ditu bere baitan behar horiek guztiak, eta helburu du, ikasprozesuaren kudeaketa oinarri hartuz, behar horiek asebidean jartzea.

Ikasleen ezaugarriak eta banakako ekarpenak

Ikasleen banakako ezaugarriak aztertzeko bi dimentsio proposatzen ditu HALLek: maila biologikoari dagozkionak, eta norberaren ezagutzatik eta mundu ezagutzatik irits daitezkeenak. Horren arabera, azterketan bi multzo nagusi bereizten ditu, bereizgarriak, batetik, eta ikasleen jarrerak, bestetik.

HABE liburutegian