Federico Borgesek hitzaldi bat eman zuen gaztelaniaz 2013an HABEk antolatutako Ikastaroen barruan, "El rol del estudiante de lengua en un entorno o acción virtual (y cómo afecta al rol del docente)" izenburupean.

Online-ikaslea ondo ari da, baldin eta bere egitekoa behar bezala betetzen badu (bai noizbehinkako jardueretan, bai online ikastaro batean). Inguru Birtualeko Hizkuntza Ikaslearen Rolaren nondik norakoak ezagutzeak lagundu egingo dio hizkuntza behar bezala ikasten online. Hitzaldi honetan, rol hori zertan datzan ikusiko dugu, nola eragiten dion irakasleari eta nola susta daitekeen.

(Hitzaldia gaztelaniaz)

Bideo honetan, hitzaldi osoa duzue entzungai.

Oriol Guaschek hitzaldi bat eman zuen gaztelaniaz 2012an HABEk antolaturik, "El tratamiento integrado de las lenguas" izenburupean.

Hitzaldian hizkuntzen irakaskuntzaren plangintza integraturako irizpide batzuk emango dira.

Bideo honetan, hitzaldi osoa duzue entzungai.

Ana Ortegak eta Roberto Mielgok hitzaldi bat eman zuten euskaraz eta gaztelaniaz 2011n HABEk antolatutako Ikastaroen barruan, "Proiektu bidezko irakaskuntza eta sekuentzia didaktikoa, hizkuntzen irakaskuntzarako metodologia eredu bat" izenburupean.

Bideo honetan, hitzaldi osoa duzue entzungai.

2008/2009 ikasturteari ongietorria egiteko eta matrikulazio-kanpaina sustatze aldera, helduen euskalduntze eta alfabetatzean lanean ari ziren lagunei zuzendutako ekitaldi akademikoa eratu zuen HABEk Donostian (Donostiako Miramar Jauregian, 2008ko irailaren 12an), eta ikasturtearen irekiera-ekitaldian David Crystal hizkuntzalari ezaguna aritu zen hizlari, "Keeping languages alive - Hizkuntzen biziraupena - Conservar vivas las lenguas" izenburupean. Hizkuntzen Nazioarteko Egunean, gogoeta sakona egin nahi izanzen hausnartzeko zer egin behar den hizkuntza bat bizirik eta osasuntsu mantentzeko, hizkuntza gutxituek beren estatusa gorde edo hobetzeko, zailtasunak dituzten mundu honetan.

Beheko bideoan, hitzaldi osoa duzue entzungai ingelesez, eta euskarara itzulita.

F. Javier Villatorok eta Lola Torresek hitzaldi bat eman zuten gaztelaniaz 2014an HABEk EHUrekin batera antolatutako Ikastaroen barruan, "Comunicación real y aprendizaje significativo" izenburupean.

Ikaskuntza esanguratsua David Ausubel aditu iparramerikarrak sortutako ikaskuntza-teoria bat da, psikologia konstruktibistaren baitan. Ikaskuntza-mota honetan, ikasleak informazio berria lotzen du jadanik ezaguna duenarekin, doituz eta berreraikiz informazio biak prozesu honetan.

Ikaskuntza esanguratsuak, kontzeptu berriak etenik gabe bereganatzearen aldetik, ezagutza esperientzia bidez lantzea du euskarririk hoberena, teoria buruz ikastea baino. Hizkuntzen ikaskuntzan, beraz, oso garrantzizkoa da egiazko komunikazio-egoeretan lantzea jarduera esanguratsuak, praktika gogoetatsua sustatuz horrela.

Hitzaldi honetan, ikaskuntza esanguratsua lotuko dugu jarduera eta ataza esanguratsuak sortzeko beharrarekin bigarren hizkuntzen ikasgela digitalean.

Bideo honetan, hitzaldi osoa duzue entzungai.

F. Javier Villatorok eta Lola Torresek hitzaldi bat eman zuten gaztelaniaz 2013n HABEk EHUrekin batera antolatutako Ikastaroen barruan, "El portafolio electrónico de lenguas (ePortfolio)" izenburupean.

Portfolioak lanbide-eremuan sortu ziren, eta laginak jasotzeko bitartekoak dira. Gero eta gehiago erabiltzen dira hizkuntzen ikaskuntzan, ikas-irakas prozesuetako euskarri gisa. Modulu honetan, portfolioaren eta portfolio elektronikoaren nozioez jardungo dugu, eta hizkuntzen ikaskuntzan duten erabileraren aurkezpena eta analisia egingo. (Bideoa espainieraz)

Bideo honetan, hitzaldi osoa duzue entzungai.

F. Javier Villatorok eta Lola Torresek hitzaldi bat eman zuten gaztelaniaz 2013n HABEk EHUrekin batera antolatutako Ikastaroen barruan, "PLE y PLN: creación y gestión de espacios y redes personales de aprendizaje" izenburupean.

Norberaren Ikas Alorra (NIA) kontzeptua (edo PLE, ingelesezko akronimoa) 2004tik eztabaidatzen da prestakuntza-testuinguru askotan, baita hezkuntza- eta prestakuntza-programetan txertatu ere. Zalantzarik gabe, oso gai eztabaidatua izan da, eta, ondorioz, hausnartu ahal izan da nola ikasi eta irakasten den sarean, sarearentzat eta sarearen bidez; ikaslearen egitekoaz, ikasprozesuaren ardatz moduan; ikaskuntza ez-formalaren garrantziaz; eta ikaskuntzaren kudeaketaz eta hausnarketaz, funtsezko osagai gisa.

Saio honetan landuko ditugu PLE-en egitura eta osagaiak irakasleen prestakuntzan eta ikaskuntzan, hizkuntzen irakaskuntzan eta ikaskuntzan gaitasun digitalak duen garapenaren ikuspegitik.

Bideo honetan, hitzaldi osoa duzue entzungai.

F. Javier Villatorok eta Lola Torresek hitzaldi bat eman zuten gaztelaniaz 2014an HABEk EHUrekin batera antolatutako Ikastaroen barruan, "Las competencias digitales del alumnado" izenburupean. El profesor de segundas lenguas/ VII. Competencias digitales para la enseñanza y el aprendizaje - (II) Aprendizaje en la red y redes de aprendizaje ikastaroa eratu zuten EHUk eta HABEk Donostiako XXXIII. Udako Ikastaroen baitan, 2014ko uztailaren 16tik 18ra bitartean.

Atzerriko Hizkuntzetako (AH) irakasleok txertatu behar al dugu gaitasun digitala (GD) gure eskoletan? Hala bada, nola? Ba al dugu prestakuntzarik horretarako? Zer lotura du Gaitasun Digitalak Gaitasun Komunikatiboarekin?

Gaitasun Digitala hezkuntzan txertatzea proposatzen dugu; bereziki, hizkuntzen ikaskuntza-irakaskuntzaz hitz egiten dugunean, ikuspegi zabal batetik eta gai teknologikoak barne hartuta, baina baita alderdi linguistikoak, soziopragmatikoak eta hiritarrak ere, hala nola komunikatzeko ardura, kultur gaiak, sozialak eta sinesgarritasunarekin zerikusia dutenak: zer dakarren esparru batean komunikatzeak eta ez beste batean, edo nori zer esaten diozun eta zer testuingurutan. Ingurune digitaletan lan egin behar dugu atzerriko hizkuntzen ikasgelan, jakin zer eratara parte har litekeen eremu horietan, Gaitasun Komunikatiboa garatzeko.

Modulu honetan, hizkuntza-ikasleen gaitasun digitalaz eta gaitasun hori eskuratzeko irakasleek duten arduraz mintzatuko gara. Beraz, honako galdera hauek egingo ditugu: Atzerriko Hizkuntzetako (AH) irakasleok txertatu behar al dugu gaitasun digitala (GD) gure eskoletan? Hala bada, nola? Ba al dugu prestakuntzarik horretarako? Zer lotura du Gaitasun Digitalak Gaitasun Komunikatiboarekin?

Bideo honetan, hitzaldi osoa duzue entzungai.