Aldatu egin du galdera Antonio Ortak International House-n blogean argitara emandako sarreran eta honela azaldu du: ¿Por qué hablamos tanto los profesores en la clase de español? Gauza bera gertatzen al da euskara-eskoletan? Benito Fiz-ek ere aspaldi idatzi zuen gaiaz Karrajua blogean, 2007ko azaroan hain zuzen: "Irakasle parrapleroak".
Irakasleen eta ikasleen mintza-denborak aipatu ditu Hortak (tiempo de habla de los profesores, THP, eta tiempo de habla del alumnado en su conjunto, THA). Irakasleek mintza-denbora monopoliza ez dezaten (edo horretan eragina txikitzeko, behinik behin) bi estrategia azaldu ditu. Halaber, funtsezkoa da, aditu horren ustetan, bakoitzak eskolan erabilitako mintza-denboraz ohartzea. Horretarako, ikasgelan behaketa bideratzeko autoebaluazio-erreminta bat proposatu du, gailu mugikorraz egindako audio-grabaketa batetik abiatuta.