Irakaskuntzako portfolio digitala: irakasleen etengabeko prestakuntzarako ingurunea

Gaur egun, irakasle baten prestakuntza irakaskuntza-nortasuna eraikitzeko etengabeko prozesutzat ulertzen da eta bizitza profesional osoan gauzatzen da. Ikuspegi horretatik begiratuta, irakaskuntzako portfolio digitala prozesu horretan guztian lagunduko digun tresna da, hasierako prestakuntzan hasi eta gure etengabeko garapen profesionalean lagunduko diguna, moldakorra, malgua, irekia eta dinamikoa delako. Gainera, portfolioa digitalki eraikitzeak aukera ugari ematen dizkigu aktiboki parte hartzeko gure irakaskuntza-jardunaren inguruko gogoeta eta lankidetzako egoeretan, eta, beraz, baita gure garapen profesionalean ere. Artikulu honetan, irakaskuntzako portfolio digitala zer den, zertarako balio duen eta zer egitura, tipologia eta ezaugarri dituen deskribatzen da. Halaber, hura digitalki eraikitzearen aukerak eta abantailak nabarmentzen dira, bai hasierako prestakuntzan bai etengabeko garapen profesionalean. Bestalde, portfolioa egitean kontuan hartu beharreko zenbait aholku ere ematen dira. https://doi.org/10.54512/INGR9917

Arbel digitalaren erabilera didaktikoari buruzko web-mintegia (gaztelaniaz)

Azaroaren 22an (asteartea) eskainiko du José Ramón Rodríguez irakasle adituak. Bertan parte hartu nahi baduzu, bete ezazu hemengo estekan aurkituko duzun formularioa.

TikTok batean euskarazko pilula bat

Azkenaldian TikTok modan dagoen sareko plataforma bat da, oso bideo laburrak ikuspegi informalarekin argitaratzeko eta zabaltzeko. Tresna horri buruzko zenbait ekarpenen berri emango da sarrera honetan, irakasleak eskolan erabiltzeko aukera azter dezan.

1208 - Cómo utilizar las TIC y los medios audiovisuales para la práctica de la competencia oral (bideo-laburpena)

2022ko uztailaren 6, 11 eta 14an, Lola Torresek "Cómo utilizar las TIC y los medios audiovisuales para la práctica de la competencia oral" ikastaroa eman zuen HABEk antolatuta. Bideo honetan, ikastaro hartan landutako edukien laburpena eskaini digu.

Ikastaro-txantiloia: Moodle plataforman irakasleen lana errazteko baliabidea

Moodle software askeko Ikaskuntza Kudeatzeko Sistema (Learning Management System - LMS) hedatuena da. Kode irekiko plataforma hain malgua da eta hainbeste aukera ematen ditu ezen sakontasunez erabiltzeko denbora luzea eta dedikazio handia eskatzen baititu. Txantiloi batek Moodle-rekin esperientzia mugatua edo bat ere esperientziarik ez duen irakaslearen lana erraztuko al luke? Horixe izan zen HABEren eskaera: txantiloi baten bidez irakasleen lana erraztea. Artikulu honetan erronka horri erantzuteko lana nola garatu den azalduko da. Ikasten esparru jakinerako egindako lana bada ere, Moodle oinarri duen edozeinetan aplikagarria izan daiteke, kasuan kasuko egokitzapenak eginda. https://doi.org/10.54512/HWZM3281

Nolakoa izango da komunikazioa Gizaki-Makina Aroan? (animazioak eta inkesta)

"Language in the Human-Machine Era" (LITHME) egitasmoaren berri eman genizuen duela urtebete plazaratu genuen sarrera batean. Halaber, ikerketa-sare horren "The Dawn of the Humane-Machine Era" ("Gizaki-Makina Aroaren egunsentia") txosten esanguratsua zabaldu nahi izan genuen euskal komunitatean. Oraingoan, berriz, jorratutako ikerlerro nagusiak ilustratzeko egindako animazioak ikustera gonbidatzeaz gain, inkesta betetzea proposatzen dizuegu. Izan ere, hizkuntza eta teknologia erabiltzen dituzten etorkizuneko agertokiei buruz dituzuen iritziak jaso nahiko genituzke.

"Nicky Hockly's 50 Essentials for Using Learning Technologies" liburua (Hockly, N.)

"Nicky Hockly’s 50 Essentials for Using Learning Technologies" liburua plazaratu berri du Cambridge University Press-ek; “Cambridge Handbooks for Language Teachers” bildumaren barruan dago. Ingelesa eta beste hizkuntza batzuk irakasteko ideia praktikoak, teknikak eta jarduerak eskaintzea da bilduma honetako eskuliburuen xedea. Eskarmentu handia du Nicky Hockly-k hizkuntzen irakaskuntzan, oro har, eta teknologien erabileran bereziki. Poltsiko-liburua da, laburra: 6 ataletan bildutako bi orrialdeko 50 testu dira guztira. Horrez gain, glosategia, hitzen araberako aurkibidea eta erreferentzia bibliografikoak ditu.

INGURA proiektuaren aurkezpena

Euskara online ikasteko INGURA ingurune digitala sortzeko zereginetan ari da HABEren Metodologia eta Edukien Arloko lantaldea. Dagoneko lehen urratsak eman ditu; horien berri emateko, aurkezpen-saio bat antolatu zen Bilbon martxoaren 24an euskaltegi eta autoikaskuntza-zentroko ordezkarientzat. Sarrera honetan, egitasmoaren zertzelada nagusiak eta aurkezpen-saioan emandako azalpenak.