Irakasbil
Didakteka
Siglak (I)
- Atala:
- Egilea:
- Hizkuntza-arloa:
- Hizkuntzalaritza
- Atala:
- Egilea:
- Hizkuntza-arloa:
- Hizkuntzalaritza
- Bisitak: 1701
- Iruzkinak: 0
- Gogokoak: 1
Siglak hitz-multzoak dira, ordezkatzen dituzten hitzen lehen letrez osatuak. Letra larriz idazten dira, eta, oro har, punturik gabe. Esaterako:
- KPI (kontsumoko prezioen indizea)
- JBA (jatorrizko bertsioa azpitituluekin)
- GKE (gobernuz kanpoko erakundea)
Siglak deklinatzen dira, eta ez siglek ordezkatzen dutena. Izen bereziak bezala deklinatzen dira; hau da, artikulurik gabe. Dena den, batzuetan, erabiliaren erabiliaz, sigla batzuk izen arrunt bilakatzen dira; hori gertatzen denean, minuskulaz idazten dira, eta artikulua hartzen dute. Adb.: BEZa, hiesa, laserra, radarra…
Oro har, marrarik gabe eta ahoskatu bezala deklinatzen dira: ELAren, LABeko, EGAtik gora, UEUn, UZEIren…
Siglaren azken letra R gogorra denean, ez da [r] errepikatu behar lotura egiteko.
- ELKARen lana goraipatu du RPRko diputatu ohiak.
Testu osoa letra larriz dagoenean, hona aukerak: U.Z.E.I.REN GUNE BERRIA / UZEI-REN GUNE BERRIA
Marratxorik gabe batzen dira sigla eta deklinabide-atzizkia, salbu eta siglaren azken letra berberaz hasten denean atzizkia. Araurik ez badago ere, salbuespentzat har liteke a + a⇒ a ( NAren zenbakia).
- AEK-ko ordezkariak, GKE-ren biltzarra, RPR-ren izenean…
Irakurlearen aukera da siglak irakurtzea edo siglak ordezkatzen duena irakurtzea.
Informazio osagarria:
- IVAPeko estilo-liburua (67.or.)
- EIMAren Ortotipografia (33.or.)
- Alfontso Mujika: “Siglak irakurtzen, siglak deklinatzen”
- BERRIAren Estilo Liburua (57.or.)
Gaiarekin lotutako beste eduki interesgarri batzuk
Siglak (II)
Gogora dezagun: oro har, letra larriz eta punturik gabe idazten da sigla bat. Sigla deklinatzen da beti, eta ez siglak ordezkatzen duena, eta, deklinabide-atzizkia letra xehez idazten denez, argi geratzen da non amaitzen den sigla. Sakontzen jarraitzeko, azter dezagun zer dioen Alfontso Mujikak “Siglak irakurtzen, siglak deklinatzen” artikuluan.
Siglak (eta III)
Sigla, akronimo eta beste zenbait laburtzapenek toki berezia dute informatikaren alorrean, erruz erabiltzen dira-eta. Eta, askotan, arazoak sortzen dira siglak deklinatzean. Hori dela-eta, software-arloan kontuan hartzeko zenbait ortografia-irizpide laburbildu ditugu, gomendio gisa.