Eguneratu egin dira euskalduntzearen sektoreari buruz HABEren webgunean dauden datuak. Lau multzotan daude datu horiek estatistika-datuak eremuan:

• Helduen euskalduntzea ebaluatzeko oinarrizko adierazleak. 10 adierazle eskaintzen dira, euskaltegien batez besteko datuez osatuak eta azken 10 ikasturteetako bilakaera eskainiz. Honako hauek dira adierazleak:
  • ikasleriaren bilakaera
  • emakumezko ikasleriaren bilakaera;
  • ikasleen batez besteko adina;
  • eskola-ordu kopuruaren bilakaera;
  • birmatrikulak;
  • ikasleen banaketa mailetan;
  • ikasleen banaketa ikastereduetan;
  • ikasle-ratioa;
  • asistentzia;
  • bajak.

• Euskaltegietako ikasleak. 2022-2023 ikasturtean EAEko euskaltegietan eta autoikaskuntza-zentro homologatuetan aritu diren ikasleen datuak zenbait aldagairen arabera estratifikatuta (sexua, adina, ikasketak, ikasteredua).

• Euskaltegietako irakasleak. 2022-2023 ikasturtean EAEko euskaltegietan eta autoikaskuntza-zentro homologatuetan aritu diren irakasleen datuak zenbait aldagairen arabera estratifikatuta (sexua, adina, ikasketak).

• Egiaztatzegintza-prozesuko emaitzak. Bi atal nagusi dauzkagu hemen:
  • Ebaluazioa euskaltegietan, 2022-2023 ikasturtean: A1 eta A2 mailetako datuak.
  • Azterketa-deialdiak 2023.
    • Euskaltegietako ikasleentzako deialdian B1, B2, C1 edo C2 maila egiaztatu duten ikasleak.
    • Deialdi irekian B1, B2, C1 edo C2 maila egiaztatu duten ikasleak.
    • HOBE deialdian B2, C1 do C2 maila egiaztatu duten ikasleak.

Halaber, EAEn HABEren babesean euskara ikasten eta irakasten aritu direnen profila eta lana aztertzeko e-Hizpide zein Hizpide aldizkarietako hiru monografikoetarako esteka ere badago. Honako denbora-tarte hauei dagozkie aipatutako azterketak:

• 2009-2010 / 2018-2019 ikasturteak (e-Hizpide, Monografiak 6, 2022)
• 2007-2008 / 2012-2013 ikasturteak (Hizpide 83, 2014)
• 2000-2001 / 2006-2007 ikasturteak (Hizpide 68, 2008)