2015eko abenduaren 3an plazaratu zen Irakasbil, irakasleei zuzenduriko HABEren atari berriaren beta bertsioa. 10 urteko ibilbidea dugu, beraz. Adimen artifizialarekin jolasean, abesti bat sortu dugu opari gisa. Eskerrik asko bidaide zaituztegun guztioi!

2002tik 2016ra HABEk antolatutako prestakuntza-ekitaldietan grabatutakoak daude jasota "Irakasleen formaziorako bideo-saila" bilduman, Hasieran, DVD formatuan eman ziren argitara eta HABE Liburutegian eskura jarri. Teknologien bilakaeraren ondorioz, digitalizatzeko erabakia hartu zen eta Irakasbilen ere interesatuen eskura jartzea. Bideoetako batzuek, gainera, azalpen osagarriak dituzte.

Irakasbileko menu nagusian erlaitz berri bat dago: “bideoteka”. Hala, nahiz eta hasieratik webgunean bideoak egon, beste urrats bat eman nahi izan da eta modu argiagoan erakutsi.

Irakasbil webgunearen edukien berri zabalagoa emateko asmoz, beste bi bide ireki ditugu azken egunotan. Hala, e-Berrikaria izeneko newsleterra edo buletina eta Facebook eremuko orrialdea batu zaizkio 2014an sortutako @Irakasbil Twitterreko erabiltzaile-kontuari .

Beste inoiz egin dugun bezala, @Irakasbil Twitter-erabiltzaileak 2020ko maiatzean sareratutako txioen laburpen bat egin dugu. Horrela, Twitter-erabiltzailea izan arren galdu badituzu berreskuratzeko aukera duzu eta ez bazara, berriz, esparru horretan egiten duguna ikusteko modua izango duzu.

2017ko apirilean @Irakasbil Twitter-erabiltzaileak sareratutako txioen aukeraketa