Lourdes Miquel 2012-2013 ikasturtearen irekiera-ekitaldian hizlari aritu zen Bilbon, "El proceso del trabajo gramatical en el aula: de la explicación a la corrección" izenburupean. Horrela, 2012ko irailaren 14an Bilbon egindako ekitaldi akademiko horrekin inauguratu zen helduen euskalduntzearen 2012-2013 ikasturtea.

Hizkuntza-irakasle oro da gramatika-irakasle. Baina trabatu egiten zaigu gramatika; nahiko genituzke bai aurkitu aurkitu gure gramatika-lana eragileago eta eraginkorrago izateko moduak. Arlo honetan antzematen ari diren aurrerapenak ezagutzeak eta baliatzeak gure irakas jarduna hobe dezakete.

Bideo hauetan, hitzaldi osoa duzue entzungai.

Jose Luis Verak hitzaldi bat eman zuen gaztelaniaz 2012an HABEk antolatutako Ikastaroen barruan, ¿Qué le responderíamos al alumnado si nos preguntase “para qué sirve un portafolio?" izenburupean.

Portfolioa ebaluazio jarraitua egiteko tresnatzat jotzea oso lagungarria izan daiteke ikaslearen ikasprozesuan parte hartu ahal izateko (bere arazo, zailtasun edo erronketan, bere autonomia-mailan...), zeren arrasto ugari erakutsi ahal dizkigu bere ikas-irakasprozesua era egokian birbideratzeko. Baina hori pixkanaka egin behar da, bestela beste inposizio bat gehiago dela pentsa daiteke.

Bideo honetan, hitzaldi osoa duzue entzungai.

Zer esango genieke ikasleei galdetuko baligute zertarako balio duen tutoretzak?

Orokortutako ideia da tutoretza eskaintzen diola irakasleak ikasleari arazoak eta oztopoak gainditzeko. Horren ondorioz, ematen du irakaslea dela arduradun guztia ondo joan dadin, ez ikaslea.

A1, A2, B1, B2, C1, C2. Horra hor, gaur egun, hizkuntz irakaskuntzari dagokionez, ongi ezagututako sailkapena Europako Erreferent zia Markoan eskainia. Helduen euskalduntze-alfabetatzean ere orpoz orpo jarraiki zaie Europar erakundeek, hizkuntzen alorrean, plazaratutako idazki eta argitalpenei. Artikulu honetan, egilea, Europako Erreferentzia Markoa ondo gogoan, alderaketa-lan mardula eskaintzera dator. Horretarako, lau dokumentu oinarrizko jo ditu begiz erkaketa egiteko: 1) John Trim-ek paratu eta EALTAren WEBgunean eskuragai dagoena; 2) Madrilgo Hizkuntza Eskola Ofizialetarako Oinarrizko eta Maila Ertaineko curriculak ezartzen dituen 31/2007ko Ebazpena, ekainaren 14koa; 3) Cervantes Institutuaren “Plan Curricular del Instituto Cervantes”, eta 4) Generalitat de Catalunya-ko, Direcció General de Política Lingüística-k osatutako “Programa de Llengua Catalana, Nivell inicial”.

Aldeak alde, lau proposamenak komunikazio beharretatik abiatzen dira, ez hizkuntzaren egituratik. Eta, hala berean, proposamenen egileok biziki azpimarratzen dute tokian tokiko inguruneak aintzat hartzeko beharra xede-hizkunt za irakastean. Artikulugileak xeheki eskainiko du zer-nolako horien guztien berri.

Artikulu hau hitzaldi baten aldaera idatzia da. Hitzaldi haren izenburua: “Ikaslearen indarra H2ko ikasgelan” eta “Giro afektiboa eta motibazioa: H2 arrakastaz ikasteko eta irakasteko oinarri eta estrategiak” izeneko uda-ikastaroan eskaini zen.

Ikastaro hori HABEk antolatu zuen Donostiako egoitzan 2011ko uztailean. Jatorriak berak ezartzen ditu artikulu honen mugak eta norainokoak eta zabalik gelditzen da, beraz, hor landutako gaiak hurrengo argitalpenetan gehiago sakontzeko aukera.

Asko eta asko dira H2 ikastean eta erabiltzean herstura nozitzen dutenak. Ikasle horiek diotenez, deseroso eta ezinegonak jota sentitzen dira H2n adierazi nahiko luketen guztia ezin esan dezaketenean, edota jatorrizko hiztunei zer dioten aise eta erraz ezin uler diezaieketenean. Halaber, ikas--prozesuan ere urduri ikusi ohi dituzte beren buruak ikasgelan, ebaluazio--probetan, edota irakasleak zerbait galdetu eta xede-hizkuntzan erantzun behar izaten diotenean… H2 ikasi eta erabiltzean herstura jasatea gertaera arrunta da. Eta traba egiten dio ikasleari bere lorpen-emaitzak eskastuz. Artikulu honetan, gaia berriz mahaigaineratuz herstura edo antsietatearen zer-nolakoei begiratuko diegu: zerk sortzen duen, zein egoeratan eta saihesteko zer egin genezakeen aztertuz. Halaber, gure ingurunean, helduen euskalduntze-alfabetatzean burututako bi ikerketaren emaitzak ere

dakartzagu orrialde hauetara.

Cecília Gassullek hitzaldi bat eman zuen gaztelaniaz 2012an HABEk EHUrekin batera antolatutako Ikastaroen barruan, "El cuerpo, instrumento de vida, de comunicación y de la voz" izenburupean. El profesor de segundas lenguas/V. La competencia vocal y corporal del docente ikastaroa eratu zuten EHUk eta HABEk, Donostiako XXXI. Udako Ikastaroen baitan, 2012ko uztailaren 4tik 6ra bitartean.

Keinuak, gorputz-jarrera, gogo-jarrera eta tonizitatea dira ideia, sentimendu eta emozioen espresio eta komunikazio bitarteko. Pertsonen mugimendu guztiek helburua dute eta gauzatzean esanahia dute, ondo ulertzen dutena igorleak eta hartzaileek.

Bideo honetan, hitzaldi osoa duzue entzungai.

Pere Godallek hitzaldi bat eman zuen gaztelaniaz 2012an HABEk EHUrekin batera antolatutako Ikastaroen barruan, "La actitud, eje central en las competencias vocales y corporales del docente" izenburupean. El profesor de segundas lenguas/V. La competencia vocal y corporal del docente ikastaroa eratu zuten EHUk eta HABEk, Donostiako XXXI. Udako Ikastaroen baitan, 2012ko uztailaren 4tik 6ra bitartean.

Gorputz-jarrera eta gogo-jarrera elkarri lotuta ikusi ohi dira, lehenak bigarrenaren egoera adierazten du; afektu eta espresiozko osotasunaren adierazpena edota jokaera zehatz batena.

Bideo honetan, hitzaldi osoa duzue entzungai.