Helduen Euskalduntzearen Oinarrizko Curriculuma (HEOC) ezartzen duen Hezkuntza, Hizkuntza Politika eta Kulturako sailburuaren 2015eko uztailaren 22ko Agindua uztailaren 31n argitaratu zen EHAAn. Eta 2015eko urriaren 1etik aurrera jarriko da indarrean ondorio guztietarako.

Horrela, bada, helduen euskalduntzearen araubide akademikoaren baitan, euskalduntzegintzan dihardugun guztiok erreferentziazko oinarrizko curriculumaren eskakizun eta zehaztapenetara egokitu behar dugu Euskaltegiaren Curriculum Proiektua, ikasprozesuaren programazioa, langaien eta ikastunitateen diseinua, ikastereduak —aurrez aurrekoa, jardun bikoa, autoikaskuntza—, ebaluazioa eta euskara-mailen egiaztatzegintza.

Erronka handia da aurrean duguna, baina etenik gabeko hobekuntzaren bidetik eta profesional guztion orain arteko eskarmentua baliatuz gaindituko dugu.

Horregatik eta horretarako, Curriculuma ezagutarazteko, hain zuzen ere, berariazko prestakuntzaegitasmoa taxutu zuen HABEk 2015-2018 ikasturteetarako. Ikasturtero bost ikastaro eskainiko ditu, dohainik eskaini ere: hiru, urritik urtarrilera (A1, B1, C1); eta beste bi, otsailetik maiatzera (A2, B2).

Ikastaro bakarra egiteko egokiera izango dute euskaltegietako irakasleek egitasmoak dirauen bitartean; hain zuzen ere, maila bateko ikastaroari etekina ateraz gero, gai izango baitira curriculumaren gidalerro nagusiak beste mailatara egokitzeko.

HABEk, C2 mailarako irakasleak prestatzeko, gaikuntza-ikastaroa eskainiko du 2016-2017 ikasturtean ere, maila horretarako gaitasun didaktikoa eskuratzeko aukera emanez. Hamasei irakaslek parte hartu ahal izango dute on line eta aurrez aurre emango den ikastaroan ikasle gisa. Gainditzen dutenei 200 orduko jarduera aitortuko die agiriak.

2016ko udan antolatu den prestakuntza-ikastaroetako batean, 358 zenbakia duen "Entornos y Redes Personales de Aprendizaje en la Enseñanza del Euskera a Adultos – Predicando con el ejemplo" ikastaroan, hain zuzen, blog bat sortu dute, bertan ekoitzitakoa aurkeztu eta plazaratzeko.

Ekintza komunikatiboa: Egoera jakin bat konpontzeko, telefonoz, administrazioari argibideak modu sinplean eskatzea.

Artikulu honetan, online ikastaroetan komunikazio didaktikoak hartzen duen tokia aztertzeko bide bat erakutsi nahi dugu. Bi oinarri hartzen ditugu gure lanerako. Batetik, soziokonstruktibismoa, ikas-irakas eredu gisa. Ikaskuntza giza ekintzatzat hartzen dugu, eta, horretan oinarrituta, komunikazioa da ikasprozesuaren osagarri eta oinarri nagusienetako bat. Bestetik, online eremuetako komunikazioaren azterketarako, Garrison eta Anderson-en (2006) eredua hartu dugu oinarri. Autoreok proposatzen dituzten osagai sozial, kognitibo eta didaktikoak komunikazio-prozesuak aztertzeko tresna egokia izateaz gain, irakas-jardueraren gida ere izan daitezke.

Bukatzeko, eguneroko jardunari begirako prozedura batzuk zehaztuko ditugu, lagungarri gertatuko zaizkiolakoan eredu hau aurrera atera nahian dabilen irakasleari.

Ekintza komunikatiboa: Semeak bertan izena eman dezan, ikastaro baten inguruko zalantzak argitu eta iritziak ematea.

2016ko udako irakasleen prestakuntza-ikastaroen zerrenda, azalpenak eta izena emateko estekak.

Gaur egungo gizartean ikusten ari garen aldaketak direla eta, zalantzan jartzen dugu gizarte industrial baterako asmatua den hezkuntzak ba ote duen zentzurik ezagutzaren gizartean. Begi bistakoa da aldaketaren beharra onartu beharra daukagula; eta, horrekin batera, didaktikaren arloko gaurkotzea XXI. mendekoak diren irakaskuntza- eta ikaskuntza-prozesuetan. Horretarako, ikastaro honetan ekintza-oinarri batzuk ezarri nahi dira, ikaskuntzarako ingurune eta sare pertsonalak eratzeko bidea emango dutenak, edukien prosumizioan oinarrituriko ikaskuntza komunitateak eta proiektu digitalak sortuz. (Prosumizioa: Sarean, edukiak kontsumitu, ekoiztu eta elkarreraginean aritzea.)

***

En la actualidad estamos atravesando por una serie de cambios sociales que nos están llevando a cuestionar si la educación forjada para la sociedad industrial tiene sentido en la sociedad del conocimiento. Es evidente que tenemos que aceptar la necesidad de cambio y, ante ello, la actualización en el campo de la didáctica en los procesos de enseñanza aprendizaje propias del siglo XXI. Para ello, el presente curso de formación pretende sentar unas bases de actuación que facilite la creación de Entornos y Redes Personales de Aprendizaje a través de la creación de Comunidades de Aprendizaje y de proyectos digitales fundamentados en la prosumición de contenido.