Bizimodua eraldatu egin digute teknologiek; aldaketa handia eta etengabekoa da. Egoera horren aurrean, bizitza osoan ikasteko jarrera eta konpromisoa, etengabeko ikaskuntza alegia, izan daiteke erantzuteko bide egokia. Badago 2020an ustekabean agertu zenetik gure bizitzetan dugun beste funtsezko baldintzatzaile bat: COVID 19a. Pandemiak hainbat esparrutan dauden alderdi ahulak eta sendoak, mehatxuak eta aukerak azalarazi ditu; hezkuntzaren eremua oro har, eta horren baitako helduen euskalduntzea beraz, ez da salbuespena izan.

Halaber, izugarri zabaldu dute teknologiek antzeko interesak dituzten pertsonak aurkitzeko modua. Hau honela, besteekin eta besteengandik betidanik eman den gertaera bada ere, biderkatu egin dira bide horiek teknologien eta Interneten eraginez. Arriskuak eta mugak egon arren, egun komunitateek garapen profesionalerako, prestakuntzarako eta geure burua bizitza osoan janzteko aukera eskaintzen dute.

Teknologiak ikuspegi kritikotik aintzat hartuz, irakasle eta ikasleen gaitasun digitalak areagotuz, elkarrekin/elkarrengandik ikasteaz hausnartzeko zein hizkuntzen ikas- eta irakas-prozesuetan erabakiak hartzeko tartea izango dugu ikastaro honetan.

Ikasle itsuen eskolaratzeari buruzko aurrez aurreko ikastaro bat dago aurreikusita 2021erako Cervantes institutuaren irakasleentzako prestakuntza-eskaintzaren barnean; Mª José Menéndez Mayoral izango da irakaslea. Erreferentzia bat aipatzen da ikastaro horri buruzko informazioan; “Actividades para la integración de invidentes en el aula ELE”, hain zuzen. Kongresu batean aurkeztu zen komunikazio bat da eta orduko bideoa eskura dago Interneten.

Euskal Idazleen Elkarteak eta Euskaltzaindiak aurrez aurreko ikastaro bi antolatu dituzte azarorako. Euskara Batuaren Eskuliburua (EBE) egoki erabiltzeko eta bilaketak ahalik eta modu eraginkorrenean egiteko gako batzuk eskainiko dira saio hauetan, Andres Alberdi EBEren batzordeko buruaren eskutik. Dohainik izango dira, baina izena eman behar da azaroaren 12ra bitartean (EIEko bazkideek izango dute lehentasuna)

Ahoskera batzordeak prestatu du eta urriaren 16an izango da, Bilbon.

"Decálogo para la mejora de la docencia online. Propuestas para educar en contextos presenciales discontinuos" liburua plazaratu du irailean UOCek. Albert Sangrà izan da koordinatzaile eta zenbait adituren ekarpenak bildu dira. Gai anitzak landu dira 10 kapitulutan zehar, besteak beste, ikastaroen diseinua, jarduerak, ebaluazioa eta atzeraelikadura, erremintak, lankidetza... Sarean eskura jarri dute doan.

Moodle eta ebaluazio formatiboari buruzko jardun biko ikastaroa antolatu zuten Andaluzian irakasleen prestakuntzarako. Hortik abiatuta, “Plataformas digitales y evaluación: el caso de Moodle” artikulua idatzi zuen Aníbal de la Torrek "eco. Revista Digital de Educación y Formación del profesorado" aldizkarian.

Datozen asteetan izango diren zenbait ikastaro, kongresu, prestakuntza-jarduera edo ekitaldi interesgarri.

Martxoaren 28an aurkeztu zen UPV/EHUko uda ikastaroen 38. edizioa. Matrikula irekita dago eta murriztua izango da maiatzaren 31ra arte. Aurten HABEren lankidetzarekin tailer bat antolatuko da Donostiako Miramar Jauregian uztailaren 4an eta 5ean: Ikas-ziberkomunitateak eta irakasleen prestakuntza.