lrakasle askok erruduntzat jotzen dute euren burua ikasgelan diktaketa erabiltzen dutela onartzerakoan. Mario Rinvolucrik ohiko diktaketaren barruan ikasleari bere ekarkin pertsonala ahal bideratuko liokeen hurbilketa interaktiboa iradokitzen du.

Euskalduntzearen C eta EGA mailetako idazlanak nire eskuetatik ehundaka pasa dira azken urteotan. Bikainak batzuk , besteak kaskarragoak; batzuk atseginez eta patxadan landuak, besteak derrigorrez edota presaka zirriborratuak. Zuzenketak egiterakoan, okerrik errepikatuenak, akatsik nabarmenenak, bereizten saiatu nintzen , gero klasean komentatzeko. Eta halaxe, ia konturatu gabe , fitxaz fitxa, ikastaroz ikastaro, mordo dezentea pilatu nuen. Akats bilduma hori analitikoki ordenaturik , ikasleari itzultzea izan da lantxo honen helburua; zalantzazko alderdi ilun horiek ikusi , aztertu eta zuzentzea mesedegarri izango zaiolakoan.

Paragrafoak edo pasarte luzeagoak idazteko beharrezkoak diren trebetasunetako batzuzjabetzen ikasleei laguntzeko erabilgarriak gertatu zaizkidan bi teknika deskribatu nahi nituzke.

Esanahia duen zenbait ikur zirriborratzeko gaitasuna bezala defini genezake idazmena. Hala ere, hori baino zerbait gehiago da idazmena guretzat. Paper gainean jartzen ditugun ikurrek eraturik egon behar dute, hitzak eta esaldiak atonduz, eta osotasun koherente bat egituratuz testua.

Goiherriko Euskal Eskolako programaketako Hobekuntza HABEren 8. urratsari dagokiona da gutxi gorabehera. Esan nahi baita, Hobekuntzako euskal ikaslea 900/1000 ikastorduen inguruan dabilena dena. Maila horretan jadanik, idazlantxo aski politak egiteko gai da ikaslea.

Horiek horrela, eta ikuspuntutzat Ikastaro Trinkoak hartuz (egunean 5 ikastordu eta 2 1/2 ordu ariketa idatzi), astean bost ikastordu hartu ohi dira aipatu Goiherriko Euskal Eskolan idazlana eman eta zuzentzeko , eta gutxienez beste horrenbeste ordu eskatzen zaio ikasleari idazlana biribildu eta mamitzeko.

Iazko negu beltz hartako egun argitsu batean, geure bideo berriaren edertasuna kontenplatzen ari nintzelarik, klak!, buruko interruptorea, kontzentrazio-energiak berak eraginik, posizioz aldatu zen. Aldaketa honek ohizko moldeetatik atera ninduen eta eskema nornorizatuak nahiz konpletibatuak edo erlatibizatuak hausten hasi zitzaizkidan.

Une hartan nere ahurrak masailetan jarririk eseri nintzen eta begirada urrutira joan zitzaidan, ikaslez beteriko gela batera, alegia; bertan jendeak, bururik altxa gabe, jotake ziharduen lanean eta ni irakurtzen eta telebistaren aurrean argitasunak ematen ari nintzaien.

Azkenaldi honetan, hizkuntz ikasketaren prozesua ikaslearen ikuspuntutik aztertzeko interes berria azaldu da. Ikasleek hizkuntza bat ikasterakoan egiten dutenari adi begiraturik, hobeto uler dezakegu bigarren hizkuntza ikasi eta irakasteko zenbait bide berri badela. Nire ikerketa hitz egin, entzun, irakurri eta idazteko trebetasunei dagozkien azterketen bidetik zuzendu da. Hala ere, txosten labur honetan hitz egiteko trebetasunaz soilik mintzatuko naiz.