Irakasleen topaketek aukera aparta eskaintzen dute prestakuntzarako eta profesionalen arteko loturak indartzeko. Halaber, eta artikulu honetan azalduko den bezalaxe, sare sozialak erabili litezke, bai topaketetan zehar komunikatzeko, bai horiexek amaitutakoan bertan landutako gaiei buruz hausnartzeko. Hurrengo lerroetan, Twitterri erreparatuko zaio, eta Interneteko plataforma batzuk –blogak eta Google Drive– aztertuko dira. Are gehiago, erakutsi nahi da tresna eta zerbitzu horiek lagungarriak direla, irakasleen etengabeko prestakuntza indartu eta sustatzeko.

Euskal Herriko Unibertsitateko GHyM1 ikerkuntza-taldeak garatu du Babelium ekimena, Elurnet2 enpresarekin batera. Hitz gutxitan esanda, euskararen ahozkotasuna praktikatzeko kode irekiko proiektua da Babelium. Webgunean parte hartzen duten ikasleek beste ikaskideek edo irakasleak berak prestatutako euskarazko mintzapraktika egiteko bideo-ariketak aurkituko dituzte: ahozko aurkezpenak, bikoizketak, ipuinak eta komikiak kontatzeko erronkak… Ariketa horietan, bideo bat grabatu beharko du ikasle bakoitzak unean bertan, mikrofonoa edota web-kamera erabiliz eta proposatzen zaizkion ahozko probak gaindituz. Aplikazioa erabiltzeko, Interneteko arakatzaile bat besterik ez da behar, bertan egikaritzen baita Babeliumek behar duen guztia. Ariketen erantzunak burutu ondoren (grabaketak, alegia), Babeliumen argitaratuko ditu erabiltzaileak; horrela, irakasleaz gain, beste ikaskideek ere ebalua ditzakete elkarlanean.

F. Javier Villatorok eta Francisco Herrerak hitzaldi bat eman zuten gaztelaniaz 2013n HABEk EHUrekin batera antolatutako Ikastaroen barruan, Tareas digitales izenburupean. El profesor de segundas lenguas/ VI. Competencias dirigidas para la enseñanza y el aprendizaje - (I) Profesores digitales ikastaroa eratu zuten EHUk eta HABEk, Donostiako XXXII. Udako Ikastaroen baitan, 2013ko uztailaren 10etik 12ra.

Sare sozialek duten elkarlanerako lanabes digital multzoa ezin hobeto txertatzen da ekintzara bideratutako ikuspegian, zeina bultzatzen baitu Europako Erreferentzia Marko Bateratuak eta, beraz, baita atazetan oinarritutako hizkuntza-ikasgelan.

Bideo honetan, hitzaldi osoa duzue entzungai.

Montserrat Vilàk hitzaldi bat eman zuen gaztelaniaz 2013an HABEk antolatutako Ikastaroen barruan, "De docente a aprendiz de una nueva lengua: reflexión sobre la experiencia" izenburupean.

Hitzaldi honetan, taldean egingo da hizkuntza ikasteko esperientziari buruzko hausnarketa, hizkuntza-irakasleen ikuspuntutik. Hainbat ikuspuntutatik aztertu eta baloratuko dira gizarte-praktikak eta eginkizunak: ulermenaren eta adierazpidearen arteko harremanaren nolakoak, ikasgelaren kudeaketa, eskoletan sortzen diren jarrerak eta zuzenketa-ebaluazioa. Halaber, ikaste-prozesuak ere baloratuko dira, kontuan izanik “irakasle adituak” direla klasean hizkuntza berri baten ikasle gisa jarduten dutenak.

Bideo honetan, hitzaldi osoa duzue entzungai.

Federico Borgesek hitzaldi bat eman zuen gaztelaniaz 2013an HABEk antolatutako Ikastaroen barruan, "El rol del estudiante de lengua en un entorno o acción virtual (y cómo afecta al rol del docente)" izenburupean.

Online-ikaslea ondo ari da, baldin eta bere egitekoa behar bezala betetzen badu (bai noizbehinkako jardueretan, bai online ikastaro batean). Inguru Birtualeko Hizkuntza Ikaslearen Rolaren nondik norakoak ezagutzeak lagundu egingo dio hizkuntza behar bezala ikasten online. Hitzaldi honetan, rol hori zertan datzan ikusiko dugu, nola eragiten dion irakasleari eta nola susta daitekeen.

(Hitzaldia gaztelaniaz)

Bideo honetan, hitzaldi osoa duzue entzungai.

Jose Luis Verak hitzaldi bat eman zuen gaztelaniaz 2012an HABEk antolatutako Ikastaroen barruan, ¿Qué le responderíamos al alumnado si nos preguntase “para qué sirve un portafolio?" izenburupean.

Portfolioa ebaluazio jarraitua egiteko tresnatzat jotzea oso lagungarria izan daiteke ikaslearen ikasprozesuan parte hartu ahal izateko (bere arazo, zailtasun edo erronketan, bere autonomia-mailan...), zeren arrasto ugari erakutsi ahal dizkigu bere ikas-irakasprozesua era egokian birbideratzeko. Baina hori pixkanaka egin behar da, bestela beste inposizio bat gehiago dela pentsa daiteke.

Bideo honetan, hitzaldi osoa duzue entzungai.

A1, A2, B1, B2, C1, C2. Horra hor, gaur egun, hizkuntz irakaskuntzari dagokionez, ongi ezagututako sailkapena Europako Erreferent zia Markoan eskainia. Helduen euskalduntze-alfabetatzean ere orpoz orpo jarraiki zaie Europar erakundeek, hizkuntzen alorrean, plazaratutako idazki eta argitalpenei. Artikulu honetan, egilea, Europako Erreferentzia Markoa ondo gogoan, alderaketa-lan mardula eskaintzera dator. Horretarako, lau dokumentu oinarrizko jo ditu begiz erkaketa egiteko: 1) John Trim-ek paratu eta EALTAren WEBgunean eskuragai dagoena; 2) Madrilgo Hizkuntza Eskola Ofizialetarako Oinarrizko eta Maila Ertaineko curriculak ezartzen dituen 31/2007ko Ebazpena, ekainaren 14koa; 3) Cervantes Institutuaren “Plan Curricular del Instituto Cervantes”, eta 4) Generalitat de Catalunya-ko, Direcció General de Política Lingüística-k osatutako “Programa de Llengua Catalana, Nivell inicial”.

Aldeak alde, lau proposamenak komunikazio beharretatik abiatzen dira, ez hizkuntzaren egituratik. Eta, hala berean, proposamenen egileok biziki azpimarratzen dute tokian tokiko inguruneak aintzat hartzeko beharra xede-hizkunt za irakastean. Artikulugileak xeheki eskainiko du zer-nolako horien guztien berri.

Asko eta asko dira H2 ikastean eta erabiltzean herstura nozitzen dutenak. Ikasle horiek diotenez, deseroso eta ezinegonak jota sentitzen dira H2n adierazi nahiko luketen guztia ezin esan dezaketenean, edota jatorrizko hiztunei zer dioten aise eta erraz ezin uler diezaieketenean. Halaber, ikas--prozesuan ere urduri ikusi ohi dituzte beren buruak ikasgelan, ebaluazio--probetan, edota irakasleak zerbait galdetu eta xede-hizkuntzan erantzun behar izaten diotenean… H2 ikasi eta erabiltzean herstura jasatea gertaera arrunta da. Eta traba egiten dio ikasleari bere lorpen-emaitzak eskastuz. Artikulu honetan, gaia berriz mahaigaineratuz herstura edo antsietatearen zer-nolakoei begiratuko diegu: zerk sortzen duen, zein egoeratan eta saihesteko zer egin genezakeen aztertuz. Halaber, gure ingurunean, helduen euskalduntze-alfabetatzean burututako bi ikerketaren emaitzak ere

dakartzagu orrialde hauetara.