C2n jardun gabeko irakasleei zein C2n hasi berriak direnei laguntzeko ikastaroa da. Ikastaroaren helburu nagusia da irakasle hasiberrien ohiko zalantzak eta galderak baliatuz gako baliagarriak ematea.

Ikastaro honen helburua da euskararen irakaskuntza eta ikaskuntzaren alorrean bitartekotzaren kontzeptua gainetik aztertzea, Europako Kontseiluak EEMBren Liburu Osagarrian (2020) proposatutako aurrerapen berrien harira.

2022ko ekainaren 15, 16, 17 eta 22an Montserrat Vilàk "¿Cómo planificamos nuestras clases para motivar al alumnado?" ikastaroa eman zuen, HABEk antolatuta.

Beheko bideoan, ikastaro horren amaieran egindako eduki-laburbiltze mamitsua eskaintzen dizuegu.

Online euskara ikasteko "Ingura" egitasmo berria sortzeko prozesuan orain arte egindako bidea jasotzen du artikulu honek. 2021eko martxoan hasi eta gaurdaino emandako pauso eta hartutako erabakiez gain, finkatu diren puntuen berri ere ematen da: Inguraren ezaugarri nagusiak, berau osatuko duten ikastaroen antolaketa, eta ikasunitateen edukiak, besteak beste. Ingura inguru digitalak eredu teknopedagogikoa izango du oinarri. A1-C1 bitarteko mailak eskainiko ditu, eta orain arte euskara ikastera hurbildu ez den herritarra erakarri eta erabiltzailearen eta euskaltegiaren arteko zubi-lana egingo du. Euskara ikasi nahi duen orori tresna erraz, erakargarri eta motibagarria eskaintzea du xede.

https://doi.org/10.54512/CDLS3475

1998an, Felipe Zayas zenak hitzaldi bat eman zuen HABEk antolaturik, "La reflexión gramatical en un enfoque comunicativo de la enseñanza de lengua" izenburupean.

Bideo-laburpen honetan, bukaerako hitzak ekarri nahi izan ditugu, gaurkotasunik galdu ez duten zenbait gai argi eta zehatz jorratzen baitira (hizkuntzaren erabilera-esparruak eta testu-generoak, ikasleen interesak, sekuentzia didaktikoa azken ekoizpena helburu, gramatikaren hausnarketa eta ebaluazioa...).

Zer zuzendu behar den galderari emango zaio erantzuna oraingo honetan, aurrekoan, e-Hizpide aldizkariaren 98. zenbakian argitara emandako "Interakziozko feedback zuzentzailea hizkuntzen ikas-irakaskuntzan (I)" artikuluan zergatik, noiz eta nola galderei erantzun ondoren. Izan ere, lau galdera horiek bideratu zuten ikerketa-lana. Hala, zer den benetako errorea eta zer ez aztertuko da oraingoan. Halaber, lapsusaren izaera eta hizkuntza mintzatuaren ezaugarriak landuko dira. Horren ondoren, zuzenketen eraginkortasuna moteltzen duten eragileak azalduko dira.

Egileak egindako Master Bukaerako Lan bat dute oinarri bi artikuluok. Beraz, jatorrizkora jo dezake gaia sakonago ezagutu nahi duenak.

https://doi.org/10.54512/MLWJ7072

Nola lantzen dugu ikasleen ahozko komunikagaitasuna ikasgelan? Emaitza hobeak lortzeko, garrantzizkoa da ikas-irakas prozesua behar bezala planifikatzea eta sistematizatzea. Ahozko ekoizpena lantzean, irizpide zehatzik gabe, sarritan ez da jakiten zer eta nola ebaluatu, eta guztia ebaluatzera jotzen da. Bestalde, ahozko ekoizpenean grabazioak erabiltzen badira, eraginkorrago balioetsi ahal izango da aurrerapena.

Ikastaro hau ikasgelako jarduera, ikasleen jarrerak, hizkuntza-gaitasunen ikuspegia eta metodologia aktiboei buruzko gogoeta-prozesuen sustapena hobetu nahi dituzten euskara-irakasleei zuzenduta dago. Ikastaroa oso praktikoa izango da eta bereziki parte-hartzailea.

***

El presente curso está dirigido a docentes de euskera que quieran mejorar la actividad en el aula, las actitudes del alumnado, el enfoque competencial de la lengua y el fomento de los procesos de reflexión sobre metodologías activas. Se trata de un curso eminentemente práctico y altamente participativo.