Oriol Guaschek hitzaldi bat eman zuen gaztelaniaz 2000n HABEk antolaturik, "Escribir en una segunda lengua: una doble dificultad" izenburupean.

Bi aldetatik da zaila bigarren hizkuntza batean idaztea: alde batetik, hizkuntza idatzia bera prozesatzea bera zaila delako, eta, bestetik, lehenengoaren ondoren lortu eta hau baino gaizkiago ezagutzen den hizkuntzan aritzea erraza ez delako. Horrek baldintzapean jartzen ditu bigarren hizkuntzako idazprozesuak eta halako berezitasun bat ematen die. Berezitasun hori oso kontuan hartu beharrekoa da H2 idazten irakatsi nahi denean.

Bideo honetan, hitzaldi osoa duzue entzungai.

Reuben Woolleyek hitzaldi bat eman zuen gaztelaniaz 1999an HABEk antolaturik, "La conversación y el poder" izenburupean.

Reuben Woolley-k hemen dioen boterea da irakasle guztiek egunero geure ikasgai guztietan erabiltzen duguna; irakasle izatearen atal bat iruditzen zaigu, hori gabe ezin irakatsi ahal izango genukeela, alegia. Ikasgelako solasari buruzko ikerketa honen helburua da aztertzea nola irakasleak bere botere eta kontrolari uko egin diezaiokeen baina ez aditu legez duen itzalari hizkera libreago eta askatzaileagoari bidea uzteko, horrelakoa baita eguneroko solas arrunta.

Bideo honetan, hitzaldi osoa duzue entzungai.

Jose Luis Otalek hitzaldi bat eman zuen gaztelaniaz 1999an HABEk antolaturik, "Por qué el náufrafo elige un diccionario y no una gramática para su supervivencia lingüística" izenburupean.

Aspaldidanik dakigun gauza da, gramatikari baino lexikoari garrantzi handiagoa ematen hasi baino lehenagotik, hiztegiak gramatikak baino gehiago laguntzen duela. Turistak, adibidez, hiztegia eramango dizu berekin, ez gramatika. Hitzaldi honetako gaia da hiztegiaren aldeko aldaketa mantso baina erabakigarria eta hori hizkuntzaren beste atal batzuekin lotuz, hala nola sintaxia, testua, etab., baina hartzea eta ekoiztea ondo bereizteaz gogoratu.

Bideo honetan, hitzaldi osoa duzue entzungai.

Francesc Ferranek hitzaldi bat eman zuen gaztelaniaz 1999an HABEk antolaturik, "Leer: ¡acción!" izenburupean.

Irakurtzeak, hizkuntz kodea ezagutzeaz gain, irakurprozesua eraginkor bihurtuko duten estrategia batzuk menderatzea eskatzen du. Prozesu horretako atal dira, lerro artean irakurtzen jakitea, testua interpretatzea, informazioa inferitzea, informazio esplizitua eta inplizitua ulertzea, informazioari aurre hartzea, etab. Irakurle onaren ezaugarri diren gaitasun horiek lortuz gero, irakurtzea malguagoa eta azkarragoa izaten da.

Bideo honetan, hitzaldi osoa duzue entzungai.

Lourdes Miquelek hitzaldi bat eman zuen gaztelaniaz 1998an HABEk antolaturik, "La gramática, la "tarara" de los profesores de lenguas extranjeras" izenburupean.

Gramatika bai, gramatika ez: betiko eztabaida hizkuntz irakasleen artean. Egiatan ez dago gramatika gabeko hizkuntzarik. Kontua da gramatika esatean zer ulertzen dugun, noiz heltzen diogun eta nola irakasten dugun. Komunikazioaren analisiak gramatika tresna erabilgaitz bezala ikusi ordez, munduarekin harremanetan jartzea erraztuko digun lanabes xalo, eraginkor eta eder gisa ikustera garamatza. Aski da behatzaile onak izateko bezainbeste urruntzea, errealitatea lotuegi baitago gizabanakoarekin ondo ikusteko modua izateko. Tarte hori baldin bada, ordea, goza dezakegu gramatikari begira, ezagunak izan arren beti harritzen gaituzten gauzei begira gozatzen dugun bezala.

Bideo honetan, hitzaldi osoa duzue entzungai.

Felipe Zayasek hitzaldi bat eman zuen gaztelaniaz 1998ko uztailaren 9an HABEk antolaturik, "La reflexión gramatical en un enfoque comunicativo de la enseñanza de lengua" izenburupean.

Hizkuntza bat ikastea da hizkuntza horretan egoki eta eraginkortasunez komunikatzeko bide emango duten ezagutza batzuk norbereganatu eta trebetasun batzuk garatzea. Ezagutza eta trebetasun-multzo horietarik bat da hizkuntzaren sistemak eskaintzen dituen berariazko ezagutza. Gogoeta gramatikala, beraz, ezinbestekoa da hizkuntzen ikas-irakaskuntza komunikatiboen garapenarekin erlazio garrantzitsua duen heinean.

Bideo honetan, hitzaldi osoa duzue entzungai.

"Estrategias lingüísticas para la sociedad multilingüe" liburuak hizkuntzen didaktikaren inguruko hamahiru artikulu biltzen ditu, hizkuntza-alorreko profesionalen artean gero eta interes handiagoa baitago ikuspegi komunikatiboak duen ahalmenean sakontzeko, gizarte eleaniztunek dakartzaten erronken testuinguruan.  Sarrera honetan, bitartekotzari buruzko bi artikuluren gaineko azalpenak eskainiko ditugu: 1) Sara Robles irakasleak idatzitako "La mediación en el Companion volume (CV): exégesis y reflexiones para su inclusión en ELE" eta 2) Jorge Martí-Contreras irakaslearen "La mediación lingüística en español para fines específicos: el ámbito de los negocios".

Laura Cerdánek hitzaldi bat eman zuen gaztelaniaz 1998an HABEk antolaturik, "La comunicación no verbal en el aula" izenburupean. Urtebete lehenago, 1997an, gai horren inguruko artikulu bat argitaratu zuen 40. HIZPIDE aldizkarian.

Bideo honetan, hitzaldi osoa duzue entzungai.