Bideoteka

H272 - 2010/2011 ikasturtearen hasiera euskaltegietan: "El alumno como usuario de la lengua: las prácticas de aula en la enseñanza de lenguas"

Published: Thursday, 30 September 2010, 3:07 PM
dvd 74

Ernesto Martin Perisek 2010-2011 ikasturtearen irekiera-ekitaldian hizlari aritu zen Gasteizen, El alumno como usuario de la lengua: las prácticas de aula en la enseñanza de lenguas izenburupean.

Hizkuntzen irakaskuntzan, gogoeta-arloan zein jardueran, berriro ere indarra hartzen ari da ikasgela komunikaziorako eta ikasgunetzat jotzea. Egungo gogoetaren ezaugarririk nabarmenetakoa da ikasgelaren alderdi hori azpimarratzea. Berebiziko garrantzia izan zuten hainbat kontzeptu -hizkuntzaren eskuratzea, berezko eskuratze-bidea, inputa- erabat baztertu ez badira ere, ez dira jada adituen interesgune behinena. Bai, ordea, beste hauek: ikaskuntza, elkarreragina, esperientzia, parte-hartzea edo zentzua. 

Beraz, irakaslearen egitekoari, ikasprozesuan bitartekari nagusi den neurrian, balio handiagoa aitortzen ari zaio. Eta, halaber, ikaskuntzaren alderdi soziala ere nabarmentzen da. Ondorioz, ikasketaren garapenean ikaskideen egitekoaren garrantzia ere azpimarratzen da.

Bideo hauetan, hitzaldi osoa duzue entzungai.


Show comments

Other interesting content

Bestelako lankidetzak

Ikaslea hizkuntzaren erabiltzaile gisa: ikasgelako praktikak hizkuntzen irakaskuntzan
Aspaldian da aldarrikatua gizakiaren izaera sozialak ikasprozesu orotan duen eragina. Gizakiok gaur egun dakiguna, munduaz dugun ikuskera, giza harremanei zor zaie hein handi batean. Jaio eta hil arteko ibilbidea ahaide, adiskide eta lagunen konpainian egiten da nagusiki. H1 ere horrela ikasi genuen gurasoen laguntzaz. Gure izaera sozialari esker izan dezakegu inoiz bizi izan ez ditugun esperientzien berri. Eta guk ere jakinaraz diezaiokegu lagun hurkoari berak inoiz bizi izan ez duenaren edo oraindik ez dakienaren berri. Izaera sozial hori, norberaren iritziak, ezagutzak, pentsamendua… besteei jakinarazteko ahalmen hori da, ezbairik gabe, giza zibilizazioen aurrerapenaren euskarririk behinena. Komunikazio-prozesu horretan funtsezko tresna da hizkuntza. Artikuluaren egileak bi alderdiei begirat zen die: hizkuntzari bere soilean, eta, gizakion arteko harreman sozialei, elkarreraginari, alegia. Bi ardatz horiek H2 ikastearekin duten loturaz gogoeta xehea egiten du. Merezi duen artikulua da, enurarik gabe.
Open