H156 - Bertsolaritzaren oinarri tekniko eta erretorikoak

Argitaratua: Tuesday, 9 January 2024, 9:43 AM
DVD 43

Andoni Egañak eta Joxerra Garziak hitzaldi bat eman zuten 2005ean HABEk antolatutako Ikastaroen barruan, Bertsolaritzaren oinarri tekniko eta erretorikoak izenburupean.

"Ahozko komunikazioa lantzeko metodoa" ez da bertsolaritza lantzeko metodoa, baina bat-bateko bertsoak hartzen ditugu abiapuntutzat. Alde horretatik, ezinbestekoa da bat-bateko bertsogintzaren oinarri nagusiak ezagutzea. Besteak beste, bertsolaritzaren alderdi erretorikoaz jabetzeko. Eskolak ikasleen ahozko komunikazio gaitasuna landu eta bermatu nahi badu, ezin albora utzi dezake gure gizartean ahoz komunikatzen arrakasta gehien lortu dutenen jardun eredugarria. Gainera, bertsoa neurri-neurriko diskurtsoa da, eta lanketarako ezinago egokia.

Bideo honetan, hitzaldi osoa duzue entzungai.

Show comments
  • Ainara Maya UrrozAinara Maya Urroz - Tue, 26 Mar 2024, 2:55 PM
    Joxerra Garziaren "Jendaurrean Hizlari. (Ahozko) komunikazio gaitasuna lantzeko eskuliburua" liburua (Liburua Google-n dago irakurgai baina ez deskargatzeko: https://books.google.es/books?id=BHZCIJ3Kl7sC&lpg=PP1&hl=es&pg=PP1#v=onepage&q&f=false) ekarri dit gogora bideo honek. Liburua 2008an argitaratu zen, eta bertan diskurtso bat eratzeko prozedura teoriko-praktikoa azaltzen da eta zein urrats eman behar diren arrazoitzen du:
    DISKURTSOGINTZAREN OINARRIAK (erretorika klasikoaren 5 pauso):
    1. Argudioak inguratzen (INVENTIO)
    2. Diskurtsoa antolatzen (DISPOSITIO)
    3. Formulazio egokiaren bila (ELOCUTIO)
    4. Paperetik airera (MEMORIA)
    5. Ahotsa kudeatzen (ACTIO I)/ Gorputzaren jirako alderdiak (ACTIO II)

Beste eduki interesgarriak

Idoia Eizmendi

1200 - Nola hitz egin jendaurrean

Ikastaro honen bitartez jendaurrean hitz egiteko trebetasuna eta ziurtasuna garatuko da. AEK-ko kideek azaldutako beharrak ikusita, bi gai jorratuko dira nagusiki. Alde batetik, beldurrak identifikatu eta aztertuko dira, beldur horiei aurre egiteko teknikak praktikan jarriz. Bestetik, diskurtsoaren osaketan jarriko da arreta: nondik hasi ideiak josten, nola egituratu, zer hartu eta zer baztertu. Metodologia parte-hartzezkoa izango da, teoria, talde-hausnarketa eta praktika uztartuz.