The Conversation webgunean argitaratutako artikulu batean hamar proposamen biltzen dira, ikasgelan giro ona sortzeko eta ikaskuntza errazteko. Artikulua hemen irakur daiteke osorik: "Diez ideas para crear buen ambiente en clase".
Egileen proposamenak praktikan jartzeko bideragarriak dira, eta honako hauek dira hamar ideia nagusiak:
- Irakaslea ikasleen eredu izatea: koherentziaz jardutea eta konfiantza sortzea.
- Argi uztea arauak: ikasleekin adostasunera iritsita, ikasgelan jarduteko arauak barneratzea.
- Esperientzia positiboak bilatzea: segurtasuna, gozamena eta positibotasuna helburu izatea.
- Jokabide desegokiak ez onartzea: portaera horien ondorioak argi azaldu eta ikasgelako giroa babestea.
- Erakargarria egitea ikasgela: antolaketa eta diseinu egokiaren bidez, ikaskuntzarako giro atsegina sortzea.
- Erabakiak adostea: parte-hartzea sustatzea eta adostasuna bultzatzea.
- Taldearekiko partaidetza bultzatzea: elkarren laguntza eta erantzukizun soziala sustatzea.
- Ikasleak xaxatzea eta errutinak apurtzea: egun bakoitza desberdina izatea eta ikasleen interesetatik abiatzea.
- Ikasgelako komunikazioa zaintzea: begiradaren bidez, entzute aktiboa baliatuz eta enpatiaz jardutea.
- Ikasgelan gertatzen dena lantzea: esaterako, ikasgelan gertatutakoa emozio negatiboekin lotuta badago, baliatu emozio horien energia, buelta emateko eta gertatzen denaren motor bihurtzeko.
Testua hausnarketarako baliagarria izan daiteke, eta euskarazko testuinguruetara egokitzeko moduko hainbat proposamen eskaintzen ditu.