Prestakuntza-jarduerak

1218 - Jardun bikoa helduen euskalduntzean (II)

Published: Tuesday, 14 February 2023, 11:26 AM
Jardun bikoa helduen euskalduntzean

 

Irakasleak

Ana Rodríguez Arangoa

Iñaki Murua Anzola

Aurkezpena

Jardun biko ereduan ari diren edo arituko diren irakasleak orientatzeko helburu orokorra du ikastaro honek, horretarako estrategiak eta erremintak eskainiz, eta "jardun bikoa helduen euskalduntzean" prestakuntza-ibilbidea osatzera dator. Edonola ere, bestelako ereduetan, online edo aurrez aurrekoan alegia,  IKTak baliatzen direnerako ere aplikagarriak izan daitezke. Bi atal ditu: a) autonomia sustatzea eta b) ebaluazioa hizkuntza-eragile bilakatzea. 

Hala, lehenengoan, ikaslearen autonomia sustatuko duen ikas-irakas prozesuaren hainbat alderdi ezagutarazi nahi dira eta ikasten ikasteko estrategiak garatzen laguntzeko kontuan harte beharreko alderdiei buruzko edukiak landuko dira; azken finean, autonomia sustatzea da xedea, bai plataforma birtualean bai banaka eta taldeka jarduerak egitean. Bigarrenean, berriz, ebaluazio formatiboa online eta jardun biko ereduan eraginkortasunez aplikatu ahal izateko estrategiak eta baliabideak eskaintzea da helburua.

Antolatzailea

HABE

Hartzaileak

Euskaltegietan jardun biko ereduan ari diren edo arituko diren irakasleak. Lehentasuna izango dute Jardun bikoa helduen euskalduntzean (I) ikastaroa egin duten ikasleek.

Ikastaro-mota

Online

Datak

2023ko martxoaren 6tik maiatzaren 15era

Ordutegia

Ikastaroa asinkronoa izango da

Lekua

Ikasten plataforma (Moodle)

Iraupena

40 ordu

Matrikularen prezioa

86,80 €

Sarbideak

1218-1

1218-2
Show comments

Other interesting content

Jardun bikoa helduen euskalduntzean

Jardun bikoa helduen euskalduntzean: online ikastaroak 2023an
2023ko urtarriletik maiatzera bitartean elkarren osagarri diren bi ikastaro antolatuko ditu HABEk, egitasmo zabalago baten baitan. Ikastaro hauek online eta era asinkronoan egingo dira, betiere praktika tutorizatuaren balio erantsia bermatuta. Ikastaro bakoitzak 40 orduko iraupena izango du, 20 ordu bi ataletan. Nagusiki jardun biko ereduan ari den edo arituko den irakasleari begirakoak izan arren, bestelako ereduetan ari denarentzat ere guztiz probetxugarriak izan daitezke.
Open
Jardun bikoa logoa

Jardun bikoa helduen euskalduntzean: 2023-2024 ikasturtea (2. edizioa)
Aurtengo urtarriletik maiatzera bitartean burutu da "Jardun bikoa helduen euskalduntzean ikastaroa (1. edizioa)", eta, orain, bigarrenez eskaini nahi dugu berariazko prestakuntza, helduen euskalduntzean euskara-eskolak ematen ari diren irakasleak jardun bikoan prestatzeko. Bigarren aldi honetan, 2023ko urritik 2024ko martxora bitartean gauzatuko da ikastaroa. Prestakuntza-eskaintza elkarren osagarri diren bi ikastarok osatzen dute, online egingo dira, betiere praktika tutorizatuaren balio erantsia bermatuta. Lehen ikastaroaren aurrematrikulazio-epea 2023ko irailaren 4tik 19ra bitartean izango da.
Open