Bigarren hizkuntzak ikasteko gelatan burutzen diren hainbat jardun-mota, hauek sortutako elkarreragina eta horien bitartez lortutako hizkuntza-ikaskuntza analizatzen ditugu artikulu honetan

Artikulu honen xedea da berez bigarren hizkuntzaren (H2) irakaskuntzarako asmatu ez diren bideoez baliatuz hiztegia irakasteko ariketa batzuk nola prestatu azaltzea. Jakina, gure asmoa ez da irakasleek gure bideoak eta ariketak erabil ditzaten; aitzitik, bideo-aurkezpen sortzaileak garatzera sustatzea eta, era zabalago batean, irakasleak maila guztietan horrela irakastera bultzetzea.

Artikulu honek adierazten du ikasgela, bertako ingurua eta gizartea mugatuak izanik ere, elkarreraginerako gune izan daitekeela eta baduela gure egunotako didaktikan hain desiratua den komunikamena indartzeko kemena. Horretarako proposatzen du: partaideen jarduera beste era batekoa izan dadila eta hala berean gaien aukera eta atazen lanketa ere, eta, hori lortzeko lehen pauso gisa, ikasprozesuari buruzko gogoeta sakonagoaren beharra begien bistaratzen du.

Giza oroimenari egindako ikerketek bistaratu dute ikasteko gaitasunean eragina dutela: suspertasun-mailak, ikasaioan informazioa ezarrita dagoen lekuak, ikasgaia zenbat alditan eta nolako tarteekin lantzen den eta ikasgaiko atalen elkarren antzak. Puntu hauek banan-banan ukituko dira artikuluan, hizkuntzen irakaskuntzan dituzten ondorioak aztertuz.

"Berezko taldeak euskalduntzeko ikasestrategia: Gazte talde baten kasuan", hauxe dugu artikulugileak burutu duen tesiaren izenburua. Bertan suma daitekeenez, lan teoriko-praktiko baten aurrean gaude. Lagunarte batekin izandako esperientzia luzea (bi urtekoa) aztertzen da eta haren sustraian eta jatorrian zeuden hausnarketa eta uste teorikoak biltzen dira tesian eta horietxek jorratzen ditu, labur, egileak eskuartean duzun artikuluan.

"A communicative grammar of the basque verb (select aspects)". Hauxe dugu Alan King-ek paratu duen tesi doktoralaren titulua. Londresko unibertsitatean aurkeztu zuen eta berarekin hitz egin dugu lan mardul honen berri eman diezagun.

Artikulu honetan aurkezten dugun ikerketa enpirikoan, gure artean, euskaldunberrien artean, dauden elebitasun-motak aztertzen dira, eta, aldi berean, horietako bakoitzaren ezaugarriak bilatzen saiatuko gara (elebitasun pasiboa, aktiboa eta neutroa). Ikerketa hau 1991-1992 ikasturtean egin zen Euskal Herriko Elkarte Autonomoko 11 euskaltegitako 269 ikaslerekin.

Hizpide 36 alearen azalpena