Itziar Idiazabalek hitzaldi bat eman zuen 2006an HABEk EHUrekin batera antolatutako Ikastaroen barruan, "Gazteen debateetako estrategia diskurtsiboak euskaraz. Didaktikarako jardunbideak – Estrategias discursivas en el debate con jóvenes en euskera. Pautas de intervención didáctica" izenburupean.

"Lagunarteko ahozko hizkuntza eta H2ren irakaskuntza" ikastaroa eratu zuten EHUk eta HABEk, Donostiako XXV. Udako Ikastaroen barruan.

Bideo honetan, hitzaldi osoa duzue entzungai.

Euskalgintzan, psikolinguistika gai arrotza zen duela hamabost urte. Geneva aldera abiatu nintzenean, elebitasunaz kezkatzen nintzen. Suitza, eta bereziki, Geneva, lurralde-hizkuntzanitza izanik, han espero nuen aurki­tzea gure elebitasunarentzat azterbidea.

Egia esan, ez nuen elebitasunaz lan sakonegirik aurkitu. Aldiz, Piaget-en inguruko Psikolinguistika Eskola ospetsuarekin egin nuen topo. Bertan Sinclair, Ferreiro, Bronckart eta bes­teek garatutako ikerbideetatik euskararen jabekuntza aztertzeko aukera interesgarria eskaintzen zitzaidan, eta bide horri heldu nion.

Lau urteko lanaren ondoan, 1983an aurkeztu eta defendatu nuen tesia, "La compréhension des structures a fonction casuelle en Basque", Genevako Unibertsitatean. Emaitzen zabalkundeari begira, J.P. Bronckart zuzenda­riarekin, 1982an, tesiaren atal batean oinarrituz, esaldi iragankorren uler­menean hain zuzen, argitaratu nuen lan bat aldizkari espezialdu batean'. Beste atal bat, berriz, egitura iragangaitzak oraingoan, II Euskal Mundu Biltzarrean aurkeztu nuen.