Instrumental mugatu plurala adierazteko, “-EZ” kasu-marka erabili. *arazoetaz forma eta gisakoak ez dira egokiak batasunerako, nahiz eta hiztunek sarri erabili. Halaber, "batzuk" zenbatzailearen plurala "batzuez" da, ez *batzuetaz.

Mugagabean -(e)z egiten badu ere, erakusleen eta izenordainen kasuan –etaz ageri da; berdin pluralean ere. Gainerako izenkien kasuan, euskara idatzian ez dira forma horiek onartzen, euskara bizian erabiliak diren arren.

2016ko uztaila-abendua.

BESTE ITURRIETATIK

- Learning by feeling: sentimenduen bidetik ikasi. Gerora gogoratuko diren jardueren diseinu eraginkorra, atzerriko hizkuntzen (AH) eskolan (María del Carmen Méndez Santos)

BESTELAKO LANKIDETZAK

- Elebitasuna, bi hizkuntza hitz egitea baino gehiago (Eneko Antón eta Jon Andoni Duñabeitia)

- Zer dugu Moodle-ren kontra? Eta alde? (Abel Camacho eta Pedro Lonbide)

GELA IREKIA

- Euskaraz irakurtzen ikasi, irakurriz euskara ikasteko (Ainhoa Segura Arkauz)

GEURE ITURRIETATIK

- Euskaltegi eta autoikaskuntza-zentroetako irakasleen gaitasun digitalak, Ikanos proiektuaren ikuspegitik (Iñaki Murua Anzola)

https://doi.org/10.54512/LHNM1553

2016ko urtarrila-ekaina

Sei artikulu daude bilduta e-Hizpide aldizkariaren 88. zenbakian, berez aldizkari digitalaren lehendabiziko zenbakia den honetan. Hizpideren aurkezpenetan idazten zen bezalaxe, probetxuzkoa izan dakizula opa dizugu, irakurle.

BESTE ITURRIETATIK

H2 ikasgelako diskurtso didaktikoa: ba al dakigu nola hitz egiten dugun eskolak ematean? (Vicenta González)

Zer gertatzen zaio nire taldeari? (José Angel Medina)

BESTELAKO LANKIDETZAK

Komunikazio didaktikoa, ikasteko ingurune birtualetan (Abel Camacho eta Pedro Lonbide)

GELA IREKIA

Euskara eskoletan toponimia lantzeko proposamena (Idurre Lekuona)

Web 2.0 arora egokitu beharra, hizkuntzaren mesedetan: esaera zaharrak eta euskal kultura Instagramen bitartez (Eider Arteach)

GEURE ITURRIETATIK

Irakasbil, HABEren atari berria (Iñaki Murua eta Luis Mari Txabarri)

2015eko abenduaren 3an plazaratu zen Irakasbil, irakasleei zuzenduriko HABEren atari berriaren beta bertsioa, behin-behinekoa alegia. Hilabete batzuetako ibilbidearen ondoren, 2016ko apirilean aurkeztu zen euskaltegiko ordezkarien aurrean; halaber, interesa adierazi duten bestelako eremuetako pertsonekin ere egin dira aurkezpenak. Aurkezpen horietan guztietan azaldutakoaren laburpen osatu bat jasoko da artikulu honetan.

Atariaren kokapen historikotik abiatuko gara, nondik gatozen alegia. Ikuspegia zabaltzeko, non gauden eta norantz goazen landuko da gero. Zer burutu nahiko genukeen azalduko da hurrengo atalean; bestela esanda, helburua, oinarriak eta ezaugarri nagusiak azalduko dira. Bukatzeko, e-Hizpide argitalpen berriaren nondik norakoak aurkeztuko dira eta Twitterren Irakasbilek duen presentziaren berri emango da.

e-Hizpide 88

Zaila da irakaskuntzan dabilen norbait aurkitzea inoiz pentsatu ez duenik jainkoaren zigorra edo patuaren txantxa dela ikasle-talde jakin bat. Irakasle dabilenak badaki, batzuetan, ikasle-taldea heterogeneoa eta beldurgarria izateak egiten duela zail B1 azterketari aurre egitea, eta ez hainbeste hizkuntza-maila jakin horren berezko zailtasunak.

Eskolak ematen direnean, nahitaez hartu behar dira kontuan ikasgelaren barruan agertzen diren prozesu eta fenomeno batzuk, zerikusia dutenak pertsonen psikologiarekin, oro har, eta taldeen psikologiarekin, zehazki.

Artikulu honetan, online ikastaroetan komunikazio didaktikoak hartzen duen tokia aztertzeko bide bat erakutsi nahi dugu. Bi oinarri hartzen ditugu gure lanerako. Batetik, soziokonstruktibismoa, ikas-irakas eredu gisa. Ikaskuntza giza ekintzatzat hartzen dugu, eta, horretan oinarrituta, komunikazioa da ikasprozesuaren osagarri eta oinarri nagusienetako bat. Bestetik, online eremuetako komunikazioaren azterketarako, Garrison eta Anderson-en (2006) eredua hartu dugu oinarri. Autoreok proposatzen dituzten osagai sozial, kognitibo eta didaktikoak komunikazio-prozesuak aztertzeko tresna egokia izateaz gain, irakas-jardueraren gida ere izan daitezke.

Bukatzeko, eguneroko jardunari begirako prozedura batzuk zehaztuko ditugu, lagungarri gertatuko zaizkiolakoan eredu hau aurrera atera nahian dabilen irakasleari.

Artikuluak Zornotzako Barnetegiak —Azkue Fundazioarekin, Igerrak komunitatearekin eta Durangoko Azokarekin elkarlanean— Instagram sare sozialean burututako esperientzia didaktikoak batzen ditu.

Ekintza komunikatiboa irakaskuntzaren oinarri dugun honetan, Web 2.0ra egokitu beharra errealitate bihurtu zaigu. Barnetegiak Instagram hautatu du, Sarea eta didaktika uztartzen hasteko, nahiz eta beste sare sozial batzuetan ere badabilen; izan ere, aplikazio bertikala eta erraza izateaz gain, irudia oso lagungarria izan daiteke, zertarako-eta kontzeptuak ikasten, finkatzen eta zabaltzen laguntzeko.

Lehenengo ekimenean, esaera zaharrak zabaltzea izan da helburu nagusia; bigarrenean, berriz, kultura. Gure ustez, biak ere garrantzi handiko elementuak dira hizkuntzan; biak ere ezinbestekoak, komunikazioan oztoporik ez izateko; biak ere, beraz, landu eta zabaldu beharrekoak.