Ikuspegi lexikotik material didaktikoak sortzeak dituen ondorioez ari da egilea artikulu honetan. Hala, lexikoaren garrantzia justifikatzen du, eta adierazten du esanahi semantikoa komunikazioaren oinarria dela, hizkuntzek izaera lexikoa dutela eta modu lexikoan prozesatzen direla eta lexikoa gramatikara iristeko bide garrantzitsua dela; behar bezala arrazoitzen du hori guztia, adibideak emanez gainera. Horren ondoren, eskolara eramateko asmoz programatu beharreko lexikoa kontzienteki eta adimenez hautatzeko prozesuan laguntzen digu. Galderak eta erantzunak baliatzen ditu azalpenerako; horrez gain, zenbait kontzeptu ere hartzen ditu kontuan, hala nola erabilgarritasuna, adierazgarritasuna, errentagarritasuna edota zailtasuna. Bibliografia oparoaren aurretik, infografia interesgarri bat eskaintzen da bukaera gisa: hamar ideia eskolan lexikoari probetxurik onena ateratzeko.

https://doi.org/10.54512/AAQQ1391

Hezkuntza eta ikaskuntza elkarreraginpean burutzen diren prozesutzat hartzen dira, irakasteak hitz egitea dakarrela ulertuta, elkarrizketak izatea. Horrela, elkarrekintza ez ezik, elkarren artean osatzen den pentsamendua ere badugu ikaskuntzan; pentsamendua eta hizkuntza hertsiki loturik baitaude. Eta, horregatik hain zuzen, pedagogia dialogikoa indartzeko beharrezkoa izango da ikasgelan elkarreragina sustatzea, izan aurrez aurreko saioetan, izan online bidez bideratutakoetan.

Izenburu hori izan zuen Difusión argitaletxeak martxoaren 23an antolatu zuen webinarrak. Pilar Concheiro eta Olivia Espejel adituak aritu ziren hizlari Sergio Troitiñoren gidaritzapean. Sarean jarri dute interesaturik dagoen edonoren eskura; hona hemen gure laburpen iruzkindua, bideoaren erreferentziarekin batera.

2020ko urtarrila-ekaina

BESTE ITURRIETATIK

- Materialak lexikoaren ikuspegitik sortzearen inplikazioak (Sergio Troitiño Chinarro)

- Oihan digitalean barrena: ikaslearen autonomia eta hizkuntza-ikaskuntza informala (Robert Godwin-Jones)

- Diskurtso-praktika kokatuak: benetako komunikazio-praktikak (Ernesto Martín Peris)

BESTELAKO LANKIDETZAK

- Hizkuntza-teknologiak hizkuntzen ikas-irakaskuntzan: zenbat aukera, hainbat erronka (Jose Mari Arriola, Josu Goikoetxea eta Mikel Iruskieta)

Azken hamarkadotan, bigarren hizkuntzen irakaskuntza planteatzeko moduak aldaketa handia ezagutu du. Hasiera batean, xede-hizkuntzaren izaerari, ezaugarriei eta irakasteko moduari buruzko galderetatik abiatzen baginen ere, oraingo abiapuntua bigarren hizkuntza hori nola ikasten den, eta, hori errazteko, zer egin behar dugun galdetzea da.

Hizkuntzen irakaskuntzan programazio guztien funtsezko osagaietakoa da gramatika. Batzuek gidalerro nagusitzat hartzen dute; beste batzuk, berriz, bestelako elementuen inguruan artikulatzen dute egitaraua (nozioak, funtzioak edo atazak); baina ia guztiek gramatika-edukiak lantzen dituzte.

HABE Liburutegiak zenbait gida eskaintzen dizkigu hizkuntzak ikas-irakasteko dokumentuekin, HABE Liburutegiko gidak izeneko bilduman. Oraingoan, bildumako zazpigarrena plazaratu dute, HIZNET - Hizkuntza Plangintza Graduondokoan parte hartu duten ikasleen ikasturte amaierako ikerketa-lanen katalogoa, hain zuzen ere.

"Anuario brasileño de estudios hispánicos" argitalpenean plazaratu zen Juan Manuel Real Espinosak idatzitako "Cultura, una herramienta para comunicar" artikulua. Aditu honen ustez, kulturaren esparruko edukiek bigarren hizkuntzen curriculumetan tokia hartu badute ere, trataera aldetik bakoitzaren berezitasunak azpimarratzea izan da ikuspegi nagusia baina horren ordez gizon-emakumeen kultura guztiek dituzten oinarri komunetan jarri beharko litzateke funtsa.