Aditz batzuen partizipioaren (burutua) inguruan zalantzak sortzen dira batzuetan; bestetan, aldiz, aditz-izena da ondo bereizten ez dena, eta aditz-oin batzuekin ere beste horrenbeste gertatzen da. Komunztadura ere arazotsua da zenbaitetan, edo esanahia bera. Nahasteak usuago gertatzen diren aditz batzuk aukeratu ditugu, eta erabilera-aukeren berri eman, aditzak alfabetikoki ordenatuz

Mugakizun bereziko hitz-elkarketen barruan daude multzo-elkarteak: besteak beste, pare, pila, mordo, multzo… izenak daramatzatenak. Marratxoaren erabilera horrelakoetan alde batera utziko dugu oraingoz, eta beste kontu bati ekingo diogu: komunztadurari. Horrelakoetan, singularra erabili behar al da? Plurala onartzen al dute? Pare aztertu eta ikusiko dugu zein diren ohiko erabilerak.

Gomendioa: "balitz bezala / legez" gisako egiturak erabili, "bailitzan" eta "bailuen" tankerakoen ordez, balio konparatiboa emateko.

Esternoi* hitza espresuki baztertu zuen Euskaltzaindiak Hiztegi Batuan eta esklusioari eutsi dio Euskaltzaindiaren Hiztegian. Hala ere, hitz eratorrietan eta hitz-elkarketan "esterno" edo "esternoi" osagaia azaltzea posible da, batez ere kontuan hartzen badugu Anatomiako terminologia guztiz estandarizatua dagoela nazioarte mailan.

Bitartekotza linguistikoa (BL) boladan dago. BLa bitartekari batek burutzen duen hizkuntza-jarduera da, kode linguistiko –hizkuntza, aldaera edo erregistro– desberdinak darabiltzatenek elkar uler dezaten. Komunikazio-modu hori Europako Erreferentzia Marko Bateratuan (EEMB) jarduera integratzailetzat jo da, ekoizpena, harrera eta interakzioa (elkarrekintza) bateratzen dituelako. Artikulu honetan, bitartekotza profesionaletik bereizi ondoren, BL arrunt terminoaren erabilerara hurbildu da egilea, bigarren hizkuntzen, bereziki euskararen, irakaskuntzaren ikuspegitik.

Adjektibo moduan "super"rek bikaina esan nahi du eta iparraldean, harroa. Izen moduan gasolina mota bat zen eta, azkenik, erabiltzen da supermerkatu hitza laburtzeko. Aurrizki moduan euskarak bereganatutzat jo daiteke, gainetik adierazten du, edo handitasuna gaineratzen dio laguntzen duen izenari. Hiztegiak super aurrizkidun hitz batzuk jasotzen ditu eta Euskaltermen badaude beste zenbait jasota. Bestetik, gaur egun, ahozkoan maiz erabiltzen da "super" izenondoen eta adberbioen aurretik balio superlatiboa emateko (gaztelania bidez mailegatutako erabilera, zalantzarik gabe). Bizitasuna ematen dio ahozko hizkuntzari –eta adierazkortasuna–, baina ez da hiztegi aberatsaren seinale, eta idatzirako ez genuke gomendatuko. Badira modu jatorragoak balio hori lortzeko.

Euskaltzaindiak Hiztegiaren 858 sarrera eta azpisarrera arautu berri ditu; horietako bostetan buruaren forma aldatu du. "Dirulaguntza" da bat; lehen diru-laguntza gisa ageri zena orain lotuta, hitz ihartu moduan, ematea erabaki du Euskaltzaindiak, Administrazioko erabilera kontuan hartuz.

Bi adiera ditu "oso"-k adjektiboa denean. Erabilerari dagokionez, berriz, baditu zenbati murriztapen.