Oinarrizko tresna da kurrikulua zalantzarik gabe edozein heziketa-sistematan. Halaxe da hizkuntzen irakaskuntzan eta, jakina, euskararen irakaskuntzan ere. Izan ere, ikas-irakas prozesuarekin zerikusirik duen ororekin du kurrikuluak lotura zuzena nahiz zeharkakoa.

Ez da desafio makala, ez horixe, tokian tokikoari eta garaian garaikoari bete-betean eta beti ere erantzuten asmatzea. Artikulu honek gaiak dituen loturak kontuan hartu eta kurrikulua bera garatzeko behar diren baldintzak baita bere eguneratzeak zer dakarren ere aztertzen ditu.

Euskalduntzearen programaren arabera, aparteko garrantzia du kontaketak 4. urratsean. Besteak beste, honela zehazten du programak zer trebetasun-maila lortu behar duen ikasleak urrats horretan. Entzumenean: kontaketak edo narrazioak ulertzeko gai izatea. Idazmenean: gertaerak kontatuz, testu jarraiak idazteko gai izatea.

Ikasleen komunikamena sustatzea du euskara-irakasleak erronka eta helburu nagusi. Garrantzizkoa da, beraz, horretarako dauden baliabideak ahalik eta gehien eta era eraginkorrenean erabiltzea. Artikuluan aipatu helburua eskuratzeko egileak prentsa nola erabiltzen duen azaltzen zaigu.

Lan-proposamena