Edozein hizkuntz item berri aurkezteak nolarebait item hori gorputz handiagoa den hizkuntzatik isolatzea esan nahi du. Zein hizkuntz eduki irakatsi behar den aukeratzea Syllabusari buruz erabakiak hartzea da, eta Syllabusa gehienetan irakasleak ez beste norbaitek ezarria izaten da. Irakasleari dagokio garrantzia zeri eman erabakitzea eta ikasleari behar hainbat ariketa egiteko aukera ematea.

Irakasleak baditu bere esku bere jardueran aurkezpena eta lanketa erraztuko dioten zenbait teknika eta metodo eta hauen sorburu diren eta beroietan eragina duten faktoreak, ikasleari zein irakasleari dagozkienak; horiek eta hainbat hizkuntz sistema aztertzen ditu artikulu honek.

Euskararen familia bidezko transmisio-kanpaina nutrizio-kanpaina baten itxura hartzen duen euskararen transmisioaren aldeko egitasmo bat da, familiak hizkuntzari eutsi eta normaltzeko duen garrantzia azpimarratu nahi duena, duela bi urte Deba aldean eta iaz Euskal Herriko 30 udaletxetan antolatu zenaren segida.

Urrutitik irakasteak -hemen sartzen dugu irrati bidezko irakaskuntza- ez du aurrez aurre irakastearen antzik. Ohizko irakaskuntzan balio duten metodo-irizpide eta baliabideek ez dute indarrik komunikabide honen bitartez irakasten denean.

Hona hemen teknologia berriek gure alorrean, helduen euskalduntze-alfabetatzean, duten islaren beste adibide bat. EGALIK softwarea AEK-k

eta Elgoibarko MEIk (Makina eta Erreminta Institutua) elkarlanean egindakoa da. Enpresa-munduan euskalduntzen ari direnentzat sortu dute, nork bere ikas-prozesua gertu-gertutik bideratu ahal izan dezan. Artikulua proiektuan bete-betean sarturik dauden bi arduradunen eskutik datorkigu.

ELT materialetan ari dira azaltzen benetako hizkuntzaren erabileraren bereizgarriak dituztenak, nahiz eta oraindik ere material horiek ez «benetakoak» izateagatik berezi. Bide luzea dago ibilkizun entzunezko materialgintzan, harik eta benetako erabileraren bereizgarriak bereganatu arte; baina oro har baliagarritzat jotzen da behintzat bereizgarri horiek ikasleei helaraztea.

Ez da, ordea, hain oro har onartzen benetako entzunaldiaren esperientzia hizkuntzaren bereizgarri batzuk entzutea baino gehiago denik: entzuteko jarduera mota asko suposatzen du, eta hauek oso gutxitan erabiltzen dira ELT materialetan.

Jardun honek hiru zati nagusi ditu: 1) betetik, helduen euskalduntze-a!fabetatzearen deskribapen diakronikoa egingo dut; 2) bestetik, Euskara biziberritzeko plan estrategikoaren arrasto nagusiak azalduko ditut, helduen euskalduntze-a!fabetatzearen alorrak plan honetan duen lekua zein den adierazteko, batez ere, eta 3) azkenik, plan horren baitan eta hizkuntza-politikagintzan helduen euskalduntze-alfabetatzeak dituen lehentasun eta erronkak mahairatzen saiatuko naiz.

Artikulu honen helburua Kanadako eskola eta unibertsitateetan egindako saiaketa interesgarri batzuk aurkeztea eta aztertzea da. Baita ere, hango esperientziatik atera ditzakegun ondorioak ikertu nahi ditut. Hain zuzen ere, Kanada zuen aztergai nagusi aldizkari honen lehenengo aleak. Hala ere, ale hartan esandakoa eta nik oraingo honetan arakatuko dudana oso gauza ezberdinak dira.

Funtsean, esan daiteke frisiar hiztun batek nederlandera ere badakiela hizkuntza horren nagusitasun soziala dela medio. Hortaz, frisiar hiztuna elebiduna da beti. Bestalde, badaude hizkuntza gutxitua ikasten duten nederlanderadun gutxi batzuk. Frisieraz eta nederlanderaz gain, eskualde-mailako beste aldaera batzuk ere hitz egiten dira Frisiako probintzian. Zenbait landa-herritan eta hiri frisiarretan dialekto ez-frisiarrak hitz egiten dira. Aldaera horien hiztunak arrazoi estatistikoak direla medio, nederlanderaren eskualde-aldaeren artean sartzen dira.