H11 - La comunicación no verbal en el aula

Argitaratua: Friday, 3 November 2023, 9:37 AM
ez-hitzezko komunikazioa

Laura Cerdánek hitzaldi bat eman zuen gaztelaniaz 1998ko uztailaren 30ean HABEk antolaturik, "La comunicación no verbal en el aula" izenburupean. Urtebete lehenago, 1997an, gai horren inguruko artikulu bat argitaratu zuen 40. HIZPIDE aldizkarian.

Komunikazio-eredu teoriko batzuk aipatuz hasten da Laura Cerdán komunikazio-prozesuaren ikuspegia aurkezten. Komunikazioa ikertzen duten diziplina semiotikoak ekologia, kinesika, proxemika eta kronemika berrikusteaz aparte, ikasgelako komunikazioa bere osoan ikertzeko eredu eta tresna metodologiko batzuk proposatzen ditu.

Bideo honetan, hitzaldi osoa duzue entzungai.

Beste eduki interesgarriak

Bestelako lankidetza

Hitzik gabeko komunikazioak irakaslearen diskurtsoan eta ikasgelan duen eragina

Artikulu honetan, testuinguru gisa, komunikazio-eredu bat aurkezten dugu bere barnean hitzik gabeko komunikazioa hartzen duena. Izan ere komunikazio-mota hori, sistema bat denez, beste sistemekin elkarrera­ginean, informazio-iturri ugaria baita. Ondoren, komunikazio horren iker­ketan ari diren diziplinak aipatuko ditugu eta komunikazio-modu hori ikasgelako esparruan kokatuko dugu. Gero, irakaslearen diskurtsoan ez-hitzezkoa zertarako den azalduko dugu, irakaskuntzako jardunaren aribide ez-hitzezkoak sailkatzen dituzten ereduak aurkeztuz, eta, azkenik, ikasgelako bizitzan, eta bereziki ikasleekiko elkarreraginean, hitzik gabeko komunikazioak dituen inplikazioak aztertuko ditugu.