"Visualiza pensamientos e ideas" deritzon NOOC-a

"Visualiza pensamientos e ideas" da Espainiako Gobernuaren menpeko INTEF institutuak (Instituto Nacional de Tecnologías Educativas y de Formación del Profesorado) antolatu duen jende askorentzako ikastaro ireki labur baten izenburua (NOOC-a, alegia). Otsailaren 27tik martxoaren 11ra iraungo du, eta 180 minutukoa da ordu-karga estimatua

Baliabide berriak euskararen erabilera sustatzeko

Eusko Jaurlaritzako Kultura eta Hizkuntza Politika Sailak 13 baliabide aurkeztu ditu euskararen erabilera sustatzeko, batez ere lexikoaren eta terminologiaren ikuspuntutik.

Helduen euskalduntzean bi ikertzaile gaitzeko beka-deialdia

Urtarrilaren 29an bukatuko da HABEk deitutako bi ikertzaile gaitzeko beka-deialdirako eskariak aurkezteko epea. Izan ere, ikerketa-eremu berriak zabaldu eta landu nahi ditu HABEk helduen euskalduntzearen curriculumgintzan zein ebaluazio-egiaztatzegintzan. Horretarako, ikertzaileen gaikuntzarako bi bekatarako deialdia egitea erabaki du.

Komunikazio-antsietatea euskara bigarren hizkuntza dutenengan

Jasone Cenoz eta Alaitz Santosek idatzitako "Komunikazio-antsietatea euskara bigarren hizkuntza dutenengan" artikulua argitaratu dute Fontes Linguae Vasconum aldizkariaren 124. zenbakian (2017ko uztaila-abendua). Artikulu horretan, Euskal Autonomia Erkidegoan H1 gaztelania duten hiztunen euskararekiko komunikazio-antsietateari buruzko ikerketa bat aurkezten da.

A1 eta A2 mailetako amaierako ebaluazio-jarduerak egiteko ereduak

2017ko abenduaren 15ean argitaratu da 2018ko azterketa-deialdiak egiten dituen Ebazpena. Ebazpen horretan, euskara-ikasleek HEOCaren sei gaitasun-mailei dagozkien egiaztagiriak eskuratu ahal izateko erak ezartzen dira. Eta, besteak beste, Ebazpen honetako III. eranskinean zehazten dira ebaluazio jarraituaren hariko amaierako ebaluazio-jardueren gutxieneko ezaugarriak, eta, horrekin batera, bertan iragartzen da HABEren Hizkuntzaren Didaktika Zerbitzuak Ebazpen hau indarrean jarri eta hamar eguneko epean esekiko dituela www.habe.euskadi.eus atarian A1, A2 eta B1 mailetako amaierako ebaluazio-jarduera egiteko proba eredugarriak. Hori dela eta, IKASBILen dituzue azterketa-ereduak atalean aipatu amaierako ebaluazio-jarduera eredugarri horiek.

AZPidazki, Sarean euskaraz lan egiteko tresna bat

Erabat berritu dute AZPidazki tresna. EHUko Administrazio eta Zerbitzuetako Pertsonalari euskaraz lan egiten laguntzeko sortu zen 2004an. Hala ere, interesaturik dagoen edonorentzat dago zabalik Sarean.

Mari Jose Lasheras Rodriguezen artikuluen bilduma liburu batean

Mari Jose Lasheras Rodriguez gure lankide izan zen HABEn, 2000. urtetik 2013ra arte. Bere omenez, "Teknologia berrien erabilera didaktikoa hizkuntzen irakaskuntzan" izeneko liburua kaleratu du Lasheras Rodriguez familiak, Hizpide aldizkarian argitara eman zituen artikuluen bilduma osatuz.

Irakasbilen parte hartzeko bideak

"Irakasbil, HABEren atal berria" artikuluan zein esparru hau aurkezteko egindako azalpenetan adierazitakoari jarraikiz, bat baino gehiago dira parte hartzeko bideak. Gogora ditzagun, bada, bide batez, desiragarria litzatekeen erabiltzaile "prosumirtuatzaile" kontzeptua eta Twitter esparrua ere hor dagoela.