Junes Casenave-Harigileren frantsesa-eüskara hiztegia Sarean eskuragarri egotea eskertzekoa da. Izan ere, kontuan hartzekoa baita gaur egun euskara batuan natural erabiltzen dugun hitz multzo bat zubereratik hartuak direla, hala nola zinegotzi, ego(i)tzi, ekoitzi, ekoizle, ekoizpen…
Horiek eta gehiago, gizarteko hainbat esparrutako terminologia berezia euskaraz erabiltzeko hartu izan ditugu, eta baturako forma bilakatu.
Euskara batua euskalkiekin osatu eta aberastu da, eta balia ditzagun bada euskalkiak gerora ere behar ditugun hitz berriak sortzeko.
Bestalde, frantsesa-eüskara hiztegia online egoteak frantsesa pixka bat ikasteko aukera ere ematen du, ikus Sustaturen webgunean idatzitakoa.
Biba Xiberoa!
