Open AI enpresak duela urtebete inguru plazaratu zuen ChatGPT. 2023ko urtarrilaren 23an horren inguruko ekarpena egin zuen Abel Camachok Irakasbilen; harrez geroztik, behin baino gehiagotan agertu da webgune honetan. Adibidez, eskolak prestatzeko baliatzeaz jardun zuen Marga Ibañezek martxoan.
Carlos Aldama ikertzailearen "Un año de ChatGPT: ¿se han cumplido los pronósticos?" testua argitaratu dute The Conversation webgunean. Hiru aldi aipatzen dira bertan adimen artifizialaren erabilerari dagokionez: ezjakintasuna, erabilera eta menderatzea. Nola ikusten duzu zeure burua, erabiltzaile zein irakasle gisa? Zein da orain arteko eskarmentua?