Ebaluazioa

Aztertzaileen perfila.

Aztertzaileen perfila.

by Iñaki Villoslada -
Number of replies: 7

HABEk monografia mardula argitaratu du euskalduntze-sektorea ezagutzeko. Azterketa sakon horretako 81. orrian euskaltegietako irakasleen ezaugarriak azaltzen dira sexuaren eta adinaren arabera, urtez urte eta 2019ra arte. Urte horretan, irakasleen % 66 emakumeak  ziren, eta % 34 gizonak. Urte horretan bertan, irakasleen batez besteko adina 43,6 urtekoa zen.

Foro honetan, batez ere, egiaztatzegintzan arreta jartzen dugunez, interesantetzat jo dut aztertzaileen adinari eta sexuari buruzko zenbait datu zuen esku jartzea:

Aurtengoko aztertzaileen batez besteko adina 46,5 urtekoa da, eta gehien errepikatzen den adina (moda delakoa) 53 da.  Aurten 733 aztertzaile kontatu ditugu, 500 emakume eta 233 gizon; beraz, irakasleen artean 2019ko emakumeen eta gizonen ehunekoa eta 2022ko aztertzaileen ehunekoak oso antzekoak dira: % 68,2 eta % 31,8, hurrenez hurren. Aztertzaile gizonen eta aztertzaile emakumeen artean bataz besteko adinean ez dago alde handirik (gizonezkoak pixka bat gazteago bihurtu ditu batezbestekoak). 60 urte baino gehiago dituzte 38 aztertzailek, eta 88k 30 urte edo gutxiago. Aztertzaile gazteenak 23 urte ditu, eta gizonezkoa da, adintsuena emakumezkoa da. C2a egiaztatuta dute aztertzaileen kopurua oso esanguratsua da, nahiz eta horretan aurrera begira zer hobetu badagoen.

Ez zaituztet datu eta estatistika gehiagorekin aspertu nahi,  batez ere badakidalako lan handia duzuela esku artean; beraz, nire hausnarketa pertsonalarekin bukatu dut sarrera labur hau: esan ohi da sektorea zaharkitua dagoela…, baina, datuak ikusita, eta beste sektore batzuekin alderatuz gero (osasungintzakorekin esate baterako), nik antzemandakoarengatik hauxe esango nuke: erreleboa egon badagoela, batetik, eta ez garela uste dugun bezain zaharrak, bestetik…

Aztertzaile prototipiko baten soslaia emango dizuet bukatzeko: C2a egiaztatua duen 53 urteko emakumea.

 

Ondo segi

 

Iñaki

 


In reply to Iñaki Villoslada

Er: Aztertzaileen perfila.

by marga ibáñez -
Ikasketei dagokienez, ez dago daturik? Erreleboak ze prestakuntza-mota  edukiko luke?  
In reply to marga ibáñez

Er: Aztertzaileen perfila.

by Iñaki Villoslada -


Kaixo, Marga:

Datuak egon badaude, noski, hain zuzen ere, monografian bertan, atal honetan (hain juxtu sexua eta adinaren ondoren):

2. Irakasleen ezaugarriak

2.1. Sexua

2.2. Adina

2.3. Ikasketak

Atal horretan hauxe jasota dago: Irakasleen ikasketa-maila izan zen, garai batean, arazoetako bat, eta arlo horretan hainbat ekimen zehatz egin behar izan ziren kolektibo horren homologazioaren bidean. 2019-2020 ikasturteko datuek adierazten duten modura, ia % 90 unibertsitatetik igarotako pertsonak dira.

Erreleboek, esan gabe doa, homologazioaren arazo historikoa behin, aspaldi, konponduta, ikasketen baldintza bete egiten dute denek.
zein titulazio duten, aldiz, erreleboek eta zein duten besteek, hots, zein jakintza-eremutakoa, nik dakidala ez da egin azterketa hori..., nahiz eta horren inguruan zenbait zantzu ditugun..., baina datu bihurtu arte, horren ingurukoa inpresioa baino ez da.

Iñaki

In reply to Iñaki Villoslada

Er: Aztertzaileen perfila.

by marga ibáñez -

Eskerrik asko Iñaki, tartetxo bat hartu dut eta datuak begiratu ditut, eta zuk diozun legez, goi-mailako titulazioa bai, baina zeri buruzko ikasketa diren ez da azaltzen. 

Inoiz heldu beharreko kontu garrantzitsua delakoan nago. 

Mila esker

In reply to marga ibáñez

Er: Aztertzaileen perfila.( eta azterketariena?)

by Joxe Mari Landa Mendibe -

Kontu interesgarria, aztertzaileen profilarena; eskerrik asko bioi!

Eta, hari horretatik tiraka, beste kontutxo bat ere gehitu nahi diot horri: azterketarien profil akademikoarena. Nago aztertzaileoi ondo etorriko litzaigukeela ezagutzea zein den  HABE azterketetara doazen --bereziki B2 eta C1 mailakoak-- azterketarien bataz besteko maila akademikoa. Seguruenik asko lagunduko liguke idazlanak baloratzeko orduan egokitasunaren eta, batez ere, koherentziaren langa hobeto doitzen. 


Besarkada bana!

In reply to Joxe Mari Landa Mendibe

Er: Aztertzaileen perfila.( eta azterketariena?)

by Iñaki Villoslada -
Kaixo Joxe Mari:

Monografian bertan azaltzen dira ikasle-taldearen ezaugarriak adin, ikasketa eta bestelako adierazleei dagokienez. Horren arabera, Euskaltegietako ikasleen artean, aldi osoa kontuan hartuz gero, ia erdiek unibertsitate-ikasketak dituzte. Azken ikasturtean (2019) unibertsitate-mailakoak % 44 dira eta beste % 28 dago Batxilergoa edo Goi Mailako LHko ikasketak egin dituztenak elkartuz gero.

Biztanleria osoaren egoerari dagokionez, unibertsitate-maila duten pertsonak erreferentziatzat hartuta, talde horrek % 10 gehiago biltzen du euskaltegietako ikasleen artean (% 43,8) biztanleria osoan baino (% 34). Kontuan izan behar da ikasleen datuak ikasleen deialdira aurkezten den azterketari tipologiaren adierazgarritzat har daitezkeela.

Azterketei dagokienez, deialdi-motak bereiziz hauxe duzue deialdi arruntera zein irekira aurkeztutako azterketarien ikasketa-mila iazko lehenengo azterketaldian:

 

 

B1

B2

C1

C2

Orotara

IKASKETA (*)

Kop.

%

Kop.

%

Kop.

%

Kop.

%

Kop.

%

Unibertsitatekoak

695

48.4

1471

 41.3

2062

40.38

471

90.05

4689

44.1

UBI edo LH II

18

1.2

39

1.09

62

1.2

5

0.9

124

1.1

Eskola Graduatua

226

15.7

623

17.5

1350

26.4

7

1.3

2206

20.7

Batxilergoa edo LH Goi maila

405

28.2

1156

32.5

1367

26.7

25

4.7

2953

27.8

Beste

90

6.2

265

7.4

265

5.1

15

2.8

635

5.9

 

1434

100.00

3554

100.00

5106

100.00

523

100.00

10617

100.00

 

Deialdi irekia

 

 

B1

B2

 

C1

 

C2

Orotara

IKASKETA (*)

Kop.

%

Kop.

%

Kop.

%

Kop.

%

Kop.

%

Unibertsitatekoak

175

46.05

474

33.4

696

17.5

99

67.4

1444

24.01

UBI edo LH II

17

3.8

63

4.4

80

2

4

3.1

160

2.6

Eskola Graduatua

75

17

242

17.05

457

11.5

13

5.4

787

13

Batxilergoa edo LH Goi maila

123

27

494

34.8

2496

62.7

14

10.8

3127

52.4

Beste

34

7.7

107

7.5

189

4.7

5

3.8

335

5.6

 

380

100.00

1419

100.00

3979

100.00

135

100.00

5853

100.00

 

Halere, kontuan izan behar da matrikulatu guztiek ez dutela adierazten zein den euren ikasketa-maila. Bestalde, hainbatetan ez dute eguneratzen datu hori. Beraz, datuek erakusten duten egoera hein batean aldatuta egon daiteke eta errealitatea, edonola ere, islatzen dena baino altuagoa izango da.

Datu kontsultagarri gehiago HABEren Webguneko estatistika-orrian kontsulta daitezke: https://www.habe.euskadi.eus/habe-erakundea/estatistika-datuak/s23-edukiak/eu/ 
Iñaki
In reply to Iñaki Villoslada

Er: Aztertzaileen perfila.( eta azterketariena?)

by Joxe Mari Landa Mendibe -

Ederra lana, hartu duzuna, Iñaki!


Mila esker!   Datu interesgarriak, inondik ere!  (eta aitortu behar dut nik susmatzen nituenak baino altuxeagoak direla, zorionez!)