Puntuazioa baliabide nagusietako bat da testu idatziaren egitura eta edukia antolatzeko. Esaldiak eta paragrafoak non hasi eta non amaitzen diren adierazteaz gain, ideien arteko hierarkia eta harremanak zehazten ditu.

Izena eman Bilboko ikastaroan

Izena eman Donostiako ikastaroan

Helburuak

Orokorrak:

• Zuzentasun gramatikaletik testurako pausoa ematea.
• Prosamolde komunikatiboa bermatzeko irizpideak aztertu eta lantzea.
• Gaur egungo prosaren gaineko gogoeta bultzatzea.

Operatiboak

• (Zehatz eta argi definitu behar dira. Horiek neurtzeko, ikasleengan behatu daitezkeen portaerak erabiliko dira. Helburu horiek adieraziko dute ikasleak prestakuntza-ekitaldia bukatutakoan frogatu behar duen lorpena.):
• Puntuazio zeinu guztien erabilera aztertu.
• Esaldi eta testu zati asko aztertuko ditugu, puntuazioari erreparatuz.
• Puntuazio arazoak dituzten esaldi eta testuak zuzentzeko eskatuko zaio ikasleari.
• Testu osoak puntuatuko ditugu, egituraren garrantziaz jabetzeko.

Programa

Puntuazio zeinu guztien erabilera ohikoenak ikusiko dira, lan teorikoen zein literatur testuen argitan, eta auzi nagusiak aztertuko.

Metodologia:

Ikastaroa praktikara zuzendurik egongo da bereziki, eta ariketa praktikoetan oinarrituko da. Dinamika horrek eskola orduetatik kanpo lan pixka bat egitea eskatuko dio parte hartzaileari, hainbat testu berridazteko edo itzultzeko proposatuko baitzaio. Eskoletan, berriz, funtsezko azalpen teorikoak eman, ariketak zuzendu eta zalantzak argituko dira.