Kepa Diegez Barahona adituak Ahoskeraren eta prosodiaren teoriatik praktikara web-mintegia eskainiko du, HABEk antolatuta. 

Mintegi honen helburua da parte-hartzaileei oinarrizko ezagutzak eta tresnak ematea, eta, bide batez, gogoeta pizteko eta ikas-irakas prozesuak, modu praktikoan, bideratzeko gakoak eskaintzea. Honako hauek landuko dira:

• Euskararen ahoskeraren eta prosodiaren oinarriak gogoratzea.
• HEOCen eta HEEMBren markoak gogoraraztea.
• Ahoskeraren eta prosodiaren lekua euskararen irakaskuntzan.
• Prosodiari eta ahoskerari ekitea euskararen irakaskuntzan: zor handiko gaia: hausnarketak eta proposamenak.
• Euskararen prosodia eta ahoskera lantzeko proposamen orokorrak A1etik C2ra: zaintze- eta iraunarazte-lanak.
• Euskararen prosodia eta ahoskera lantzeko ariketa zehatzak A1etik C2r.a
• Euskararen prosodia eta ahoskera lantzeko ariketak eguneroko atazetan txertatu eta ebaluatzea.
• Laburbilketa, galderak eta amaiera

• Eguna: urriaren 30ean (osteguna) 
• Ordua: 13:00 - 14:30
• Nolakotasuna:  onine (Teams bidez); jarduera doakoa da eta ez da ziurtagiririk emango.

Parte hartu nahi baduzu, bete ezazu formularioa, urriaren 23a baino lehen. 

Web-mintegira konektatzeko lotura eta jarraibideak aldez aurretik jasoko dituzu. 

Kepa Diegez Barahona

1981. urtetik euskararen irakaskuntzan murgilduta ibili da eta, 1985etik aurrera, euskara-irakaslea izan da Getxoko Udal Euskaltegian, baita zuzendari ere, 17 urtez. Kazetaritzan eta Euskal Filologian lizentziaduna da eta doktorea Hizkuntzalaritza eta Euskal Ikasketetan. Betidanik kezka handia izan du euskara batuaren ahoskera eta prosodiarekin: bi artikulu idatzi ditu gai horien inguruan: "Euskara batua etaOrtoepia" (1991) eta "Ahoskera eta Prosodia euskararen irakaskuntzan" (2022). C2 mailako irakasle ere izan da azken urteotan. 

Dialneten profila