1217 - Jardun bikoa helduen euskalduntzean (I)

Jardun biko ereduan ari diren edo arituko diren irakasleak orientatzeko helburu orokorra du ikastaro honek, horretarako estrategiak eta erremintak eskainiz. Edonola ere, bestelako ereduetan, online edo aurrez aurrekoan alegia, IKTak baliatzen direnerako ere aplikagarriak izan daitezke. Bi atal ditu: a) bi mundu plataformaren bidez konektatzea eta b) ikasleari bere ikaskuntzan laguntzea. Hala, plataforma birtual bat diseinatzeko eta erabiltzeko oinarrizko printzipioak identifikatzea eta eredu honetan ikaskuntza-esperientzia esanguratsuak sortzeko jardunbide egokiak hautatzea izango da lehenengoren helburu orokorra. Bigarrenarena, aldiz, honako hauek identifikatzea: monitorizatzeko estrategia eta protokoloa zein ikasleari ikasprozesuan era eraginkorrean lagundu ahal izateko atzeraelikadura emateko baliabideak.

Arbel digitalaren erabilera didaktikoari buruzko web-mintegia (gaztelaniaz)

Azaroaren 22an (asteartea) eskainiko du José Ramón Rodríguez irakasle adituak. Bertan parte hartu nahi baduzu, bete ezazu hemengo estekan aurkituko duzun formularioa.

1216 - Berdintasunaren ikuspegia zabaltzen (bideo-laburpena)

2022ko irailaren 26 eta 27an, Assumpta Ayerdi Olaizolak eta Maider Sagredo Escuderok (Sorginlore Gizarte Elkartea) "Berdintasunaren ikuspegia zabaltzen" ikastaroa eman zuten, Ulibarri euskaltegiaren eskariz HABEk antolatuta. Bideo honetan, ikastaroan landutakoez aritu zaizkigu, guztion jakingarri.

1212 - C2 mailari buruzko zalantzak, galderak eta gakoak (bideo-laburpena)

2022ko irailaren 16, 19, 20 eta 23an, Josu Lartategik "C2 mailari buruzko zalantzak, galderak eta gakoak" ikastaroa eman zuen HABEk antolatuta. Bideo honetan, ikastaro hartan landurikoaren laburpena eskaini digu.

H09-22 - Nola landu eta ebaluatu ikasleen ahozko komunikazio-gaitasuna? Euskara-ikasleen ahozko hizkuntza sekuentzia didaktikoen bidez lantzeko proposamena (bideo-laburpena)

Bideo honetan, ikastaroaren zuzendariaren aurkezpena eta Yolanda Olasagarre irakaslearen azalpenak ditu entzungai ikastaroaren nondik norakoen berri jakin nahi izan dezanak.

1216 - Berdintasunaren ikuspegia zabaltzen

Berdintasunaren ikuspegi orokorra aurkeztea (testuingurua, marko legala…) eta didaktika arloan zentratzea, materialgintza eta ikaskuntza-irakaskuntza prozesuetan.

1214 / 1215 - "¿Cómo planificamos nuestras clases para motivar al alumnado?"

Ikastaroaren helburua da ahozko eta idatzizko jardueren planifikazioaz gogoeta egitea, betiere xede izanik ikaskuntza testuinguraturik antolatzea eta ikasleak gure klaseetara joan daitezen sustatzea. Beraz, helburua da eskolak nola eman pentsatzea, bai hizkuntza-edukiak sistematizatu eta dosifikatzeari begira, bai jarduera edo ikasgelako kudeaketa berbideratzeko aukera izan dezagun, baldin eta aurreikusitakoa behar bezala ez doala ikusten badugu. Azken batean, klaseak ikasle guzti-guztien inplikazioa lortzeko moduan planifikatu behar dira, baita hizkuntzaren erabilerarekiko jarrera positiboak eragiteko ere.

1212 - C2 mailari buruzko zalantzak, galderak eta gakoak

C2n jardun gabeko irakasleei zein C2n hasi berriak direnei laguntzeko ikastaroa da. Ikastaroaren helburu nagusia da irakasle hasiberrien ohiko zalantzak eta galderak baliatuz gako baliagarriak ematea.