Didakteka

Suposatu (eta II)

Argitaratua: asteazkena, 2016(e)ko maiatzaren 18(e)an, 08:43(e)tan
Alex Mungia

Aurrekoan, “suposatu” aditzaren gehiegizko erabilera aipatzen genuen, eta, orain, euskaldun askok egiten dituzten kalko batzuk bildu ditugu.

Gaur egun, egia da  euskaldun askok erabiltzen dutela “suposatu” aditza, eta horren seinale da hiztegi batzuetan topa litekeela. Baina egia ere bada, orobat,  gure hizkera-maila aberastuko dugula  euskal hiztun onen moldeak baliatuz gero. Euskaltzaindiaren hiztegian, esaterako, ez duzue “suposatu” aditza topatuko.

DESEGOKI

EGOKI

Livingstone doktorea, suposatzen dut.

 

           Livingstone doktorea, ezta?

           Livingstone doktorea, noski

           Livingstone doktorea, oker ez banago...

           Livingstone doktorea, jakina.

 

Suposatzen dut elkarrekin joango direla.

 

          Pentsatzen dut elkarrekin joango direla.

          Pentsatzekoa da elkarrekin joango direla.

          Uste dut elkarrekin joango direla.

          Elkarrekin joango dira, nik uste.

          Elkarrekin joango direlakoan nago.

 

Metano-isuriek airerako isurketen % 50 suposatzen dute.

 

         Metano-isuriak airerako isurketen % 50 dira.

 

Suposatzekoa da handituko egingo dela eskaria.

 

         Uste izatekoa da handitu egingo dela eskaria.

         Pentsatzekoa da...

 

Suposa dezagun bihar etorriko dela.

 

         Jo dezagun bihar etorriko dela.

         Eman dezagun....

         Demagun...

         Egin dezagun kontu...

 

Kirurgia estetikoa egiteak dirutza gastatzea suposatzen du ezinbestean.

 Kirurgia estetikoa egiteak dirutza gastatzea dakar ezinbestean.

    Aurrekontuaren % 20 suposatzen du horrek

    		 Aurrekontuaren % 20 da hori.

      Ezetz suposatzen dugu.

       

               Ezetz uste dugu.

               Ezetz pentsatzen dugu.

               Baiezkoan  nago.

               Bai,noski

       

       

      Gehiago sakontzeko:

      Erakutsi iruzkinak
      • Xabier Zubizarreta AzpitarteXabier Zubizarreta Azpitarte - az., 2016(e)ko mai.ren 18(e)an, 11:49(e)tan
        Ados, askotan ez dugu hitz horren beharrik. Eta egia da, Hiztegi Batuan ez da ageri (beste hitz asko bezala, hitz-kopurua mugatua baitu oraindik), baina bai, esate baterako, hiztegietan erreferentziazkoa den Ibon Sarasolaren Euskal Hiztegian.
        Orobat, idazle askoren obretan ere ageri da hitz hori, Ereduzko Prosan ikusi daitekeenez: Koro Navarro, Jaun Martin Elexpuru, Koldo Izagirre, Joxe Azurmendi…

      Gaiarekin lotutako beste eduki interesgarri batzuk

      Alex Mungia

      Suposatu (I)
      Gehiegitan erabiltzen da “Suposatu” aditza —batez ere, Hegoaldean—, kontuan hartu gabe tradizio urria duela euskaraz. Dena dela, kalko honek baditu ordain egokiak, euskal hiztun jatorrek beti erabili izan dituztenak.
      Zabaldu