Didakteka

Hainbat ≠ zenbait

Argitaratua: osteguna, 2015(e)ko azaroaren 26(e)an, 10:01(e)tan
Alex Mungia

Testu batzuetan ikusten da "hainbat” erabili duela egileak "zenbait” behar lukeen lekuan, sinonimoak direlakoan. Baina hainbat ez da zenbait.

Euskaltzaindiaren Hiztegi Batuaren arabera, honako hau da hainbat zenbatzailearen esanahia: batzuk baino gehiago, asko (eta dagokion izenaren ezkerrean ezartzen da).

Beraz, ez da zenbait-en sinonimo, zeren eta esanahi desberdina baitute biek:
a) Zenbait zenbatzaile zehaztugabeak "bat baino gehiago" adierazten du, "batzuk".
b) Hainbat zenbatzaileak, berriz, "hainbeste, asko", kantitate ugaria.

Adibidez:

  • Hainbat lagun batu ginen han.
  • Hainbat eta hainbat aldiz errepikatuagatik.
  • Hortik etorri dira hainbat kalte.



 

Gehiago sakontzeko:

  1. Euskaltzaindiaren hiztegian (330.or.)
  2. IVAPeko estilo-liburuan (76.or.)
  3. BERRIAren estilo-liburuan

Erakutsi iruzkinak