2020ko ekainean eman genuen argitara “Ikaskuntzaren ikuspegi zientifikoa” sarrera. Bertan, Héctor Ruiz Martín-i  eginiko elkarrizketa bat laburbildu genuen; berak idatzitako testu batzuk eta gomendatutakoak ere aipatu genituen. Orduan iragarritakoari jarraikiz, Ezagutu zure garuna ikasten ikasteko liburu euskaratua plazaratu zuten irailean.

Sarrera labur baten ondoren (“Zergatik da horren garrantzitsua ikasten ikastea”) sei ataletan bereizi ditu Ruiz Martínek edukiak (adibideak, ariketak, estrategietako batzuk, uste faltsuak…):

Bestalde, ikasle gazteentzako gida dela agertzen da azalean; 12 urtetik gorakoentzat dela aipatzen da. Baina, edukiak era errazean eta modu atseginean azaltzen badira ere, oinarri sendoa dute, zientzialaria baita idazlea. Azken finean, ikasten ikasteari buruzko liburu labur hau helduentzako ere aproposa izan daiteke.

Eta gogoan izan dezagun HEOCean gaitasun estrategikoa aipatzen dela; horren barruan, ikasestrategiak daude (“hala nola hizkuntzaren ikasprozesuaz kontzientziatzea, motibazioa eta elementu afektiboen kontrola, zereginen plangintza, hipotesiak egitea eta abar”). Beraz, gure esparruan ere interesgarri bezain erabilgarri suerta dakizkiguke Héctor Ruiz Martínen ekarpen hauek.

 HABE liburutegian 

Erreferentzia bibliografikoa

Ruiz Martín, H. (2020). Ezagutu zure garuna ikasten ikasteko. Ikasle gazteentzako gida. ISTF (International Science Teaching Foundation).