Urtarrilaren 14an ireki du Cervantes institutuak 2021. urtean erakundean irakasleentzat antolatu dituzten ikastaroetako batzuetan parte hartzeko izena emateko epea. Beste batzuetarako matrikula-epea, berriz, laster irekiko dela iragarri dute.

Jardueretako batzuk gaztelania-irakasleentzakoak dira zuzen-zuzenean; beste batzuk, aldiz, edozein hizkuntzatako irakasleentzat izan daitezke interesgarriak. Gainera, maila desberdinetakoak aurreikusi dituzte: hastapenekoak, sakontzekoak eta lidergoa sustatzekoak.

Hona hemen online antolatuko diren ikastaroetako batzuk:

• La competencia audiovisual. Nuevas formas de comunicación y enseñanza en el aula de ELE.
• Cómo preparar las clases de ELE.
• Cómo aprender y enseñar en entornos híbridos.
• Diseño de secuencias de andamiaje pedagógico en el enfoque orientado a la acción.
• Formación de tutores de prácticas docentes presenciales y en línea.
• Narrativa digital. La integración de texto, audio y vídeo en el aprendizaje de lenguas.

Aipagarria da ikastaro hauek guztiak Cervantes institutuak argitara emandako Competencias clave del profesorado de lenguas segundas y extranjeras deritzon markoaren araberakoak direla

Prestakuntza-jarduera horietako zuzendari,  tutore eta irakasleen artean gure esparruan irakasle edota artikulugile gisa aritutakoak ikusiko ditugu, hala nola Javier Fruns, Francisco Herrera, Javier Muñoz-Basols, Lola Torres, Vanessa Ruiz, Adolfo Sánchez Cuadrado  edo Javier Villatoro.

Informazio zabalagoa, 2021eko prestakuntza-jardueren orrialdean eta Cervantesen prestakuntzari buruzko webgune orokorrean. Azken honetan, gainera, beste erakunde batzuekin antolatzen dituztenak ere aurkituko ditugu laster.