VI. Didaktika Topaketa urtarrilaren 28an egingo dugu Donostian,  Gipuzkoako Bazkundean. 123 lagunek eman dute izena bertan.

• Hasteko,  ordubete inguruko bi saio eskainiko ditugu aukeran lehenengo tartean. 
  

1. Mintzola Fundazioko Josune Zabalak ahozkotasunaz jardungo du; zer den, zergatik eman garrantzia eta klaserako pista batzuk emango dizkigu (AIZU aldizkarian egindako elkarrizketa). 
2. Aurten gure ECPak [Euskaltegiaren Curriculum Proiektuak] osatu behar ditugunez, HABEko Agurtzane Maiz teknikariak azalduko digu ECPa zer den eta nondik datorren; zalantzak argitzeko tartea ere egongo da.
   

• Bigarren atalean, berriz, hiru aukera izango ditugu.
  

1. AIZU!-koekin batera interes-talde bat osatuko dugu galdera bati erantzun nahian: "Nola erabili AIZU! klasean?". 
2. Andoni Tolosak eta Hector Riosek "Norberaren Ikas-Alorra" norberak ikasteko ingurune pertsonala zer den azalduko digute, ikasteko autonomia eta XXI. mendeko teknologiarekin lotuta. 
3. Bea Salaberrik aurkeztuko digu, Iparraldeko AEKk azken bi urteotan talde trinkoekin burutu duen esperientzia berritzailea.
   

• Horren ondoren, goizari bukaera emateko Mintzodromoa egingo dugu goizean zehar ikusi eta entzundakoez solasteko.